برنت مارکالی نفتین قیمتی جاری ایلده ۶۴-۶۶ دلار آراسین‌دا دییشه‌جک.

بو سؤزلری Axar.az-ا بین الخالق بحران قروپونون ۲۰۱۹-جو ایل اوزره پروقنوزونون نفتین قیمتلرینه تأثیری حاق‌دا دانیشان نفت آراشدیرمالار مرکزینین رهبری ایلهام شابان دئییب. اکسپئرت سؤزوگئدن پروقنوزون دونیا بازارین‌دا نفت قیمتلرینه جدی تأثیر گؤسترجیینی دئییب:

«نینکی بین الخالق بحران قروپو، ائل‌جه ده بین الخالق انرژی آگنت‌لیگی، انرژی مرکزلری و اینوستیسییا بانکلارینین پروقنوزلاری نفتین قیمتلرینی آشاغییا دوغرو چکیر. بئله کی، اؤتن ایلین دکابرین‌دا نفتین قیمتی ۷۰ دلار پروقنوز ائدیلیردیسه، ایندی آرتیق «برنت» مارکالی نفتین قیمتی جاری ایل اوچون ۶۴-۶۶ دوللار آراسین‌دا پروقنوز ائدیلیر. بو دا نئفت حاصیلاتینین آرتماسی، دونیادا، اساساً ده ایستئهلاک‌چی اؤلکه‌لرده - چین و آوروپادا ایلین باشلانغیجین‌دان اقتصادی آرتیمین یوکسک تئمپ‌ده اولماماسی فاکتورلاری ایله باغلی‌دیر. یعنی بئله حساب ائدیرلر کی، انرژییه طلبات یوکسک سوییه‌ده اولمایاجاق. بو باخیم‌دان دا ایل باشلایان‌دان دونیا بازارین‌دا نفت قیمتلری ۶۱-۶۲ دلار آراسین‌دا دییشیر. بیر سؤزله، هله کی، اوپئک و اوپئک+ تردینفه‌ن آتیلان آددیملار نفتین قیمتینی ۶۵ دلارا چکیر».

قید ائدک کی، بین الخالق بحران قروپو ۲۰۱۹-جو ایل اوزره دونیادا قارشی‌دورمالار و بحرانلارلا باغلی پروقنوز حاضرلاییب.

پروقنوزدا دونیا اوچون ریسک‌لی اولان حادثه‌لرین آدلاری آچیقلانیب.