نئفت قیمتلرینین بیر هفته‌دن آز واخت عرضین‌ده ۷ فایزدن چوخ آرتماسی اؤتن ایلین دکابرین اولین‌ده اوپئک-این گونده‌لیک نفت حاصیلاتینی ۱،۲ میلیون بارل آزالتماغا دایر قراریندان سونرا سعودییه عربیستانینین نفت حاصیلاتینی و اونون ایخراجینی آزالتماسی ایله باغلی‌دیر.

بو سؤزلری Axar.az-ا دونیا بازارین‌دا نفت قیمتلرینین بیردن-بیره یوکسلمه‌سینی شرطله‌ندیره‌ن سببلر حاقدا دانیشان پروفسور فیکرت یوسیفوو دئییب. اقتصادچی سعودییه‌نین نفتین قیمتلرینین ۸۰ دلار سوییه‌سینه یوکسلمه‌سی اوغرون‌دا عملی فعالیته کئچدیینی دئییب:

«آراشدیرمالار گؤستریر کی، سعودییه نفتین قیمتلرینین ۸۰ دلار سوییه‌سین‌ده اؤزونو یاخشی حس ائده بیلیر. یعنی بئله اولان‌دا نفت ساتیشین‌دان داخیل اولمالار حکومته خرجلری قارشیلاماق ایمکانی یارادیر. نفت قیمتلرینین بیر هفته‌دن آز واخت عرضین‌ده ۷ فایزدن چوخ آرتماسی اؤتن ایلین دکابرین اولین‌ده اوپئک-این گون‌ده‌لیک نفت حاصیلاتینی ۱،۲ میلیون بارل آزالتماغا دایر قراریندان سونرا سوعدییه‌نین نفت حاصیلاتینی و اونون ایخراجینی آزالتماسی ایله باغلی‌دیر. سعودییه‌نین انرگتیکا ناظری خالید ال فالهین بیاناتین‌دان دا بللی اولور کی، ریاض بو ایلین مارتین‌دا نفت حاصیلاتینی ۵۰۰ مین بارل آزالداراق ۲۰۱۶-جی ایلدکی ۹،۸ میلیون بارل سوییه‌سینه قدر ائندیرمیی پلانلاشدیریر. بئله‌لیکله، سعودییه گونده‌لیک نفت ایخراجینی کئچه‌ن ایلین نویابر آیی ایله موقاییسه‌ده ۱،۳ میلیون بارل آزالداراق اونو ۸،۲ میلیون بارل‌دن ۶،۹ میلیون بارله قدر ائندیرمک نیتینده‌دیر. طبیعی کی، دونیانین ان چوخ نفت حاصیلاتچی‌سی اولان بیر اؤلکه طرفین‌دن بازارا تکلیف اولونان نفتین حجمینین بو قدر آزالدیلاجاغینا دایر بیانات وئرمه‌سی دونیا نفت بازارین‌دا اؤز سؤزونو دئمه‌یه باشلاییب».

پروفسور بو آرادا سعودییه‌نین روسییا ایله بیرلیکده اوپئک-این یئنی آلیانسینی یاراتماق ایستیقامتینده سعیلرینی آرتیرماغا باشلاماسی مسئله‌سینه ده موناسیبت بیلدیریب:

«هر ایکی اؤلکه آرتیق یئنی آلیان‌سین یارادیلماسینی رسمیلشدیره‌جک سندین ایلکین واریانتینی دا ایشله‌ییب حاضرلاییب و اوپئک-این بو ایلین آپرلین‌ده نظرده توتولان توپلانتیسین‌دا سؤزوگئدن سندین موذاکیره‌یه چیخاریلاجاغی احتیمال اولونور. یئنی لاییحه‌ده آلیانسا داخیل اولان اؤلکه‌لرین سایینین ۲۴-ه چاتدیریلماسی نظرده توتولور. اوپئک-ا حاضردا عضو اولان اؤلکه‌لرین سایی ۱۴-دور. هئچ شوبهه‌سیز کی، آمریکا دونیا نفت بازاریلارین‌دا قیمتلرین فورمالاشماسینا اهمیت‌لی تأثیر ائده بیله‌جک آلیانسین یارادیلماسینین قارشی‌سینی آلماق اوچون بوتون مومکون آددیملاری آتاجاق. آرتیق آمریکا کنگرسی آنتی‌ اوپئک قانون وئریجی‌لیگی اوزرینده اینتئنسیو شکیل‌ده چالیشیر. بو سندده اوپئک-ا داخیل اولان و اونونلا امکداشلیق ائد‌ن اؤلکه‌لره قارشی کسکین آددیملارین آتیلماسی نظرده توتولور».