دونیا بازارلارین‌دا نفت قیمتلرینده کسکین اوجوزلاشما باش وئریب.

آخار. آذ خبر وئریر کی، «برنت» مارکالی نفتین بیر بارلی اؤت‌ن گونله مقاییسه‌ده عمومیلیکده ۳،۷۰ دلارا یاخین گئریله‌یه‌رک، ۶۶،۰۳ دلارا دوشوب.

یونگول نفت ایسه ۵۵،۹۷ دلارا قدر اوجوزلاشیب.

بیرلشمیش ایشتاتلارین ایرانا قارشی سانکسییالارینی گئنیشلندیرمه‌سی و ایرانین نفت ایخراجینین مینیموملاشماسینا باخمایاراق، «قارا قیزیل»این دیر ایتیرمه‌یه باشلاماسینی اقتصادچی وقار بایراموو بئله شرح ائدیب:

«سون قیمت آزالمالاری شیست نفت ایستحصالینین آرتماسی، سعودییه عربیستانینین گلن آیدان حاسیلاتی آرتیراجاغی، آمریکا پرزیدنتینین انرژی محصوللارینین قیمتینین آزالماسینین ضرورولیگی ایله باغلی بیاناتلاری و ائلجه ده تویتلری ایله علاقداردیر.

گلوبال نفت تکلیفینین گون‌ده‌لیک ۱۰۱.۴۲ میلیون بارل اولدوغونو نظره آلساق، دئیه بیلریک کی، بیر زنگ نفت اؤلکه‌لرینین «قارا قیزیل» ساتیشین‌دان گونده‌لیک گلیرینین ۸۱۱ میلیون دلار آزالماسینا سبب اولوب. آذربایجانین گونده‌لیک نفت ایخراجاتینین ۷۹۸ مین بارل اولدوغونو نظره آلساق، او زامان سون قیمت آزالمالارینین اؤلکه‌میزه داخیل اولان گونده‌لیک نفت گلیرلرینی ۶.۴ میلیون دلار آزالتدیغی آیدین اولور.

قید ائدک کی، بو منفعت گلیری دئییل، خرجلر و عملیات شیرکتینین پایی داخیل اولماقلا الده ائدیلن بوتون گلیردیر».

سون قیمت آزالمالاری بیر داها تصدیق ائدیر کی، نفت اؤلکه‌لری اوچون انرژی گلیرلرین‌دن آسیلیلیغین آرادان قالدیریلماسی اساس پریوریتت اولمالیدیر:

«بو، همچینین، «نفت بومونون» بیر داها قاییتماسینین مومکونسوزلویونه ایشاره‌دیر. آذربایجان اوچون ده هم ایخراجاتدا، هم ده بودجه گلیرلرینده نفتین پایینین آزالدیلماسی نؤوبتی ایللرده ده اساس هدف اولاراق قالمالی‌دیر. کنار موداخیله‌لر ایله ایسته‌نیله‌ن زامان نفتین قیمتینین کسکین اوجوزلاشماسی مومکون‌دور.

بئله‌لیکله، نفتین قیمتی مقبول حساب اولونسا دا، سون باش وئره‌نلر انرژی بازاری اوچون نیکبین احوال-روحییه فورمالاشدیرمیر. بوتون حاللاردا، بینلخالق انرژی آکادمییاسینین رهبرینین بیان ائتدیی کیمی، نفت اؤلکه‌لری اوچون نفت‌دن آسیلیلیغین آرادان قالدیریلماسی و اقتصادیاتین شاخه‌له‌نمه‌سی یئنی «شوکلارین» تأثیرلریندن سیغورتالانماغین یگانه آلترناتیوسیز یولو اولاراق قالماقدادیر».