آمریکا بیرلشمیش ایشتاتلارینین ایرانا قارشی یئنی سانکسییالاری اوولکی دؤوردن خئیلی فرقلنیر و آرتیق تعین ائدیجی رول اویناییر.

آخار. آذ خبر وئریر کی، بو سؤزلری ایرانین نفت ناظری بیژن نامدار زنگنه ژورنالیستلره آچیقلاماسیندا آمریکانین ایرانا قارشی سانکسییالاری گئنیشلندیرمه‌سیندن و اؤلکه نفتینین مشتری‌سیز قالماسیندان دانیشارکن دئییب. او بیلدیریب کی، ایران اؤز نفتینی ساتماق مقصدی ایله آمریکانین سانکسییالارین‌دان یان کئچمک اوچون یوللار آختاریر:

«یئنی قاداغالاردا، آمریکا ایرانین گاز کوندنساتینی دا سانکسییالار سیاهی‌سینا سالیب. بون‌دان باشقا، ایران بانکلارینا و بیزیم گمی‌چی‌لیک شیرکتینه قویولان قدغان دا اوولکی دؤورله مقاییسه‌ده داها دا گوجلندیریلیب. دئمک اولار کی، آمریکالیلار سون آلتی ایلده سانکسییالاری دوشونولموش شکیل‌ده تطبیق ائتمکده بؤیوک تجروبه قازانیبلار. آرتیق اونلار، بیزیم سانکسییالارا قارشی چیخماق اوچون قارشیمیزدا اولان بوتون یوللاری باغلاماق ایستییرلر. بیر سؤزله، آمریکا سانکسییالاردان یان کئچمک یوللارینی خیلی چتینلشدیریب. لاکین بوتون بونلارا باخمایاراق، بیز آردیجیل اولاراق سانکسییالاردان یان کئچمک اوچون یئنی یوللار آختاریب تاپیر، بو آغیر شرایط‌دن قورتارماق اوچون چتین بیر مباریزه آپاریریق. واشینگتنون ایرانا قارشی تطبیق ائتدیی سانکسییالار سببیندن اؤلکه نفتی موشتری‌سیز قالیب. چین اؤتن آیدان بو یانا ایران‌دان نفت آلماییب، یونانیستان و ایتالییا طرفلری ایسه ایرانین نفت ناظیرلیینین رسمیلرینین تلفن زنگلرینه بئله جواب وئرمیرلر».