آنا صحیفه ایقتیصادیات |
زنگاندا تویوغون کیلوقرامی ۱۴۷۵۰ تومنه قالخاراق ایلین ان یوکسک حدینده چاتیب.
آذنیوز. تی وی «Farsnews» خبر آگئنتلیینه ایستیناداً خبر وئریر کی، بو سؤزلری زنگان تویوق، یومورتا و بالیق ایستحصالچیلاری اتفاقینین رئیسی، سید ناصیر رمضانلی دئییب. او بیلدیریب کی، بو گؤستریجی ایلین ان پیک قیمتیدیر:
«بو ایل تویوغون قیمتی چوخ اویناق اولدو. بعضا دوشدو، معین واختلاردا یوکسلدی. بیر نئچه گون بوندان اولدن قوربان بایرامی ایله باغلی تویوغون قیمتینده آرتیم موشاهیده ائدیلدی. تام امینلیکله دئیه بیلرم کی، دونن و بو گون ۳۰۰ تون تویوق شهرده پایلانیب. ائله بو گون ۱۸۰ تون تویوق پایلانیب. بایرام گونلرینده تویوق چوخ ایستیفاده ائدیلدیینه گؤره، تویوغون قیمتینده آرتیم وار. گومان ائدیریک، بایرامدان سونرا قیمتلر دوشر».
لاکین رمضانلی یا دئمک لازیمدیر کی، بو بایرام نووروز، یاخود اوروجلوق بایرامی دئییل. آدی اوستونده: «قوربان بایرامی». قوربان بایرامیندا موسلمانلار دیری حیوان (قویون، قوزو، دانا) آلیب کسیر. کسیلیب اوتولن تویوق یوخ. بیز ده رمضانلی کیمی اومید ائدیریک کی، بایرامدان سونرا قیمتلر دوشسون. اما بو بیر قدر آسان دئییل. ایلک اؤجه تویوق دنی (یئمی) اوجوز اولمالی، ایدخالیندا اولان مانعهلر گؤتورولمهلیدیر.
تاریخ
2019.08.12 / 22:57
|
مولف
Axar.az
|