آنادولو-تورک پوئزییاسینین بانیلریندن بیری، صوفی-اسلام فیلوسوفو و داهی خالق شاعری یونوس امره‌نین یئنی ال‌یازماسی کشف ائدیلیب. ال‌یازمادا عمومی‌لیکده ۱۲۵ شعر اولدوغو، بونلاردان ۹-نون یئنی اولدوغو بیلدیریلیر.

Kult.az خبر وئریر کی، بو باره‌ده «ت.ر.ت خبر» معلومات یاییب.

اونلاردان ۱۱۳-او یونوس امره‌یه، قالانلاری ایسه آشیق پاشا، سید امره و کایغوسوز آبدالا مخصوصدور. یونوس امره‌یه عایید ۹ شعر ایسه ایندیه‌دک معلوم اولان دیگر ائرکه‌ن و سونراکی ال‌یازما نسخه‌لرینده قیده آلینماییب.

دیگر ۱۰۴ شعر ده موجود قدیم و اعتبارلی ال‌یازمالارلا مقایسه باخیمیندان تدقیقاتچیلار اوچون اهمیت داشییر. بئله‌لیکله، یئنی نسخه یونوس امره‌نین یارادیجیلیغینین اؤیرنیلمه‌سی اوچون علاوه منبع رولونو اوینایاجاق.

ال‌یازمانین ایزینه ۱۹۶۶-جی ایلده «تورک یوردو» ژورنالین‌دا درج اولونان مصاحبه واسطه‌سیله دوشولوب. همین مصاحبه‌ده سون دؤورون کتاب و ال‌یازما کلکسییاچیلاریندان رایف یئلکه‌نچی داغینیق ورقلر شکلینده اولان یونوس امره شعرلریندن بحث ائدیب و اونلاردان بیرینین گؤرونتوسونو تقدیم ائدیب.