ایران‌دا تئزلیکله دوللارین قیمتی اوجوزلاشاجاق.

آخار. آذ خبر وئریر کی، بونو ایرانین مرکزی بانکینین باش دیرکتورو عبدولناصر همتی دئییب.

همتینین سؤزلرینه گؤره، ایران دؤولتی بو ایستیقامت‌ده اؤز سعیلرینی گؤسترمکده‌دیر.

فاتف (اقتصادی امکداشلیق و اینکیشاف تشکیلاتینین مالییه تدبیرلری اوزره ایشچی قروپو ) کونونسییالارینین ایران‌دا تصدیقلنیب-تصدیقله‌نمه‌مه‌سینین ایرانین تیجارتینه تأثیرینه مناسیبت بیلدیره‌ن ایرانین بانک رسمیسی دئییب کی، دونیانین اؤنملی بانکلاری ایران بانکلاری ایله ایشلمیرلر. بو باخیم‌دان فاتف-این تصدیقلنیب-تصدیقله‌نمه‌مه‌سینین ایران اقتصادیاتین‌دا چوخ تأثیری یوخ‌دور.

همتی علاوه ائدیب کی، حاضردا ایران بیر چوخ خاریجی پول و مالییه موبادیله‌لرینی غیری-سانک‌سییا یوللاری ایله حیاتا کئچیریر.

قید ائدک کی، ایران‌دا ۲۰۱۸-جی ایلین یایین‌دا گوجلو دئوالواسییا باش وئریب. بئله کی، قارا بازاردا تخمیناً ۳۲ مین ریالا اولان ۱ دلار ۲۰۰ مین ریال‌دان چوخ باهالاشیب. ایران حکومتی و مرکزی بانکین مداخیله‌سی نتیجه‌سین‌ده سونرادان دوللارین قیمتی اوجوزلاشیب. حاضردا قارا بازاردا ۱ دلارین قیمتی تخمیناً ۱۳۶ مین ریال‌دیر.

اقتصادی امکداش‌لیق و اینکیشاف تشکیلاتینین مالییه تدبیرلری اوزره ایشچی قروپو (فاتف) چیرک‌لی پوللارین یویولماسی و تروریزمین مالییه تأمیناتی ایله مباریزه قایدالارینی تنزیمله‌مک اوچون دؤولتلر آراسی قورومدور. بو قورومون سونونجو ایجلاسین‌دا ایرانا خبردارلیق ائدیلیب کی، ایرانین آددیم پروقرامی تکمیللشمدیی حال‌دا، بو قوروم گلن اوچ آی عرضین‌ده ایرانی قئیری-امکداش اؤلکه‌لر سیاهی‌سینا علاوه ائده بیلر. ایران فاتف-این عمومی‌لیک‌ده ۴۱ آددیمین‌دان ۳۷-نی ایجرا ائدیب.

قالان ۴ آددیم و یا کونوئن‌سییا قانونوئریجی‌لیک ساحه‌سین‌ده‌دیر. "چیرک‌لی پوللارین یویولماسی ایله مباریزه قانونونون اصلاح ائدیلمه‌سی"، تئرروریزمین مالییه تأمیناتی ایله موباریزه قانونون اصلاح ائدیلمه‌سی"، "ترانسمیل‌لی موتشککیل جینایتلرله مباریزه بین الخالق کونوئن‌سییاسینا اوزولوک (پالئرمو) و تروریزمین مالییه تأمیناتی ایله مباریزه بین الخالق کونوئن‌سییاسینا عضولوک (جفت) ایران حکومتی طرفین‌دن حاضرلاناراق پارلامنته گؤندریلیب. پارلامنت‌ده ۴ کونونسییا تصدیقلنیب و مصلحت شوراسینا گؤندریلسه ده، جفت و پالئرمو کونونسییالاری هله ده قید اولونان شورادا تصدیقله‌نمه‌ییب.
فاتف ۱۹۸۹-جو ایلده چیرکلی پوللارین یویولماسی ایله موباریزه اوچون گ۷ قروپونون تشببوسو ایله یارادیلیب. بو قورومون ۳۷ عضوو وار و اونون کاتیبلیگی پاریس‌ده یئرلشیر.

ایران ۲۰۰۷-جی ایلده‌ن فاتف-این قارا سیاهی‌سینا سالینیب و ۲۰۰۹-جو ایلده‌ن رسمی شکیل‌ده تهران علیهینه قارشی‌لیق‌لی آددیملار تطبیق اولونوب. بئله‌لیکله اؤلکه‌لر ایرانلا مالییه و بانک مبادیله‌لرین‌ده احتیاط‌لی داورانمالی اولوبلار.

۲۰۱۶-جی ایلده‌ن دیپلماتیک آددیملارلا ایرانا قارشی قارشی‌لیقلی آددیملارین تطبیقی تاخیره سالینیب.

علاوه ائدک کی، آبش ۲۰۱۸-جی ایل نویابر آیین‌دا ایرانا قارشی سانکسییالار تطبیق ائدیب. اؤتن مدت عرضین‌ده سانکسییالارا ایرانین نفت ایخراجی، ۷۰۰-دن چوخ بانک، شیرکت و فیزیکی شخص داخیل اولونوب.