روسییانین اوکراینایا موداخیله‌سی ایله علاقدار تطبیق ائدیلن کوتلوی آنتی‌روسییا سانکسییالاری فونوندا قازاخیستان روسییادان یان کئچه‌رک نئفت ایخراجینی آرتیرماغا داوام ائدیر.

Axar.az خبر وئریر کی، بو باره‌ده "رویترز" معلومات درج ائدیب.

معلوماتا گؤره، بیرینجی روبعون یئکونلارینا اساساً، قازاخیستان نئفت شیرکتلری ترانسخزر دنیز مارشروتو ایله - آکتاو لیمانیندان باکی واسطه‌سیله خاریجی بازارلارا ۱۶۳،۴ مین تن نئفت تداروک ائدیب.

اؤتن ایلین عینی دؤورو ایله مقاییسه‌ده قازاخیستان اوچون عنعنه‌وی اولان نوووروسسیسک لیمانیندان یان کئچمکله ایخراج ۶ دفعه آرتیب.

روسییا خزر بورو کمری کونسورسیومونون (ج.پ.ج) ایخراج تئرمینالینین یئرلشدیی قارا دنیز واسطه‌سیله قازاخیستان نئفتینین ایخراجینی ائکولوژی ریسکلر و ۲-جی دونیا محاربه‌سی معدنلرینین آختاریشینی اساس گتیره‌رک دفعه‌لرله انگلله‌ییب.

ایندی ج.پ.ج تئرمینالی نورمال ایشله‌ییر، لاکین قازاخیستان شیرکتلری خاممالی روسییا لیمانلاری واسطه‌سیله ساتماغا قورخورلار، چونکی بو، سانک‌سییالارین پوزولماسی اولاجاق.