آذربایجان-پاکیستان طرفداشلیغینین انکشافی مسئله‌لری مذاکره ائدیلیب، تجارت ساحه‌سینده امکداشلیغا دائر آنلاشما مموراندومو امضالانیب.

بو باره‌ده Axar.az-آ اقتصادیات ناظیرلییندن بیلدیریلیب.

معلوماتا گؤره، اقتصادیات ناظری میکائیل جابباروو، رقمسال انکشاف و نقلیات ناظری رشاد نبیئو، انرگتیکا ناظری پرویز شاهبازوو و پاکیستانداکی سفیریمیز خزر فرهادوو اؤلکه‌میزده سفرده اولان پاکیستان اسلام رسپوبلیکاسینین باش ناظری محمد شاهباز شریفین باشچیلیق ائتدیی نماینده هیئتی ایله گؤروشوب.

گؤروشده ایکی دوست اؤلکه آراسیندا علاقه‌لرین قارشی‌لیقلی اعتماد شرایطینده محکملندیی، مختلف ساحه‌لرده مناسبتلرین یوکسه‌لن خطله انکشاف ائتدیی وورغولانیب. گؤروشده آذربایجان-پاکیستان طرفداشلیغینین اقتصادی علاقه‌لریمیزین شاخه‌لندیریلمه‌سی اوچون یاراتدیغی امکانلار، بیرگه لاییحه‌لرین رئاللاشدیریلماسی پرسپکتیولری باره‌ده فکر مبادله‌سی آپاریلیب.

گؤروش چرچیوه‌سینده آذربایجان رسپوبلیکاسینین اقتصادیات ناظرلیی ایله پاکیستان اسلام رسپوبلیکاسینین تجارت ناظرلیی آراسیندا تجارت ساحه‌سینده امکداشلیغا دائر آنلاشما مموراندومو امضالانیب. سند ایکی اؤلکه آراسیندا تجارت علاقه‌لرینین درینلشدیریلمه‌سی اوچون موافق تدبیرلرین حیاتا کئچیریلمه‌سی مسئله‌لرینی احاطه ائدیر.