اونسوز دا بیزیم بوایلکی دولت بودجه‌میز رکورد حده، ۳۳ میلیارد ماناتدان چوخ سوییه‌یه قالخمیشدیر. آنجاق ایلین بیرینجی یاریسیندا علاوه گلیرلرین الده ائدیلمه‌سی امکان وئردی کی، بیز تعجیلی حلینی گؤزله‌ین مسئله‌لری داها تئز زماندا حل ائتمک اوچون بدجه‌یه علاوه‌لر ائدک و بونو ائتدیک.

Axar.az خبر وئریر کی، بو سؤزلری پرزیدنت ایلهام علیئو ۲۰۲۳-جو ایلین ۶ آینین سوسیال-اقتصادی یکونلارینا حصر اولونموش مشاوره‌ده سؤیلییب.

بو گون اؤلکه‌میزین بدجه‌سینین ۳۶ میلیارد ماناتدان چوخ اولدوغونو وورغولایان دولتیمیزین باشچی‌سی قید ائدیب:

«البته، بو، بیزه امکان وئریر کی، هم اؤلکه قارشی‌سیندا دوران اساس اینوستیسیا لاییحه‌لرینی اجرا ائدک، ایلک نؤوبه‌ده، آزاد ائدیلمیش تورپاقلاردا گئنیش قوروجولوق ایشلرینه نؤوبتی تکان وئرک و حربی گوجوموزو آرتیراق».