غربی آذربایجان ایالتینین تیکانتپه بؤلگه‌سینده یئرلشن آغدره و زرشوران قیزیل معده‌نلرینین قایداسیز ایستیثماری اکولوگییا و اطراف کندلرده یاشایان ساکینلره زیان وورماقدا داوام ائدیر.

Axar.az خبر وئریر کی، بو باره‌ده یئرلی ساکینلر نؤوبتی دفعه سوسیال مئدیادا پایلاشیملار ائدیبلر.

اونلارین سؤزلرینه گؤره، زهرلی توللانتیلارین بؤلگه‌یه یاییلماسی نتیجه‌سین‌ده اکین ساحه‌لری محو اولوب، مال-قارا زهرلنه‌رک اؤلوب، سو قایناقلاری ایستیفاده‌یه یارارسیز حالا دوشوب.

قید ائدک کی، بوندان اول ده اوخشار حادثه و معدن‌ده ایستاندارتلارا اویغون اولمایان فعالیتلر، حیاتا کئچیریلن پارتلاییشلار نتیجه‌سینده معدن اطرافین‌دا یاشایان کندلرین اهالی‌سینه کوللی مبلغده زیان دییب، ائولرده چاتلار عمله گلیب، هکتارلارلا اکین و باغ ساحه‌لری محو اولوب.