اؤلکهمیز یانواردان بری ۱ میلیونا یاخین اجنبی توریست قبول ائدیب کی، بو دا ۳۶ فایز آرتیم دئمکدیر.
Axar.az خبر وئریر کی، بو سؤزلری آذربایجان توریزم بوروسونون اداره هئیتی صدرینین معاوینی جوانشیر بایراموو «شاهداغ» توریزم مرکزینین یای موسومونه حاضرلیقلا باغلی مطبوعات کنفرانسیندا دئییب.
توریستلرین ان چوخ روسییا، تورکییه و هیندیستاندان گلدیینی قید ائدن بایراموو ۹۰ میندن چوخ توریستین هیندیستاندان اولدوغونو دقته چاتدیریب. اونون سؤزلرینه گؤره، اؤتن ایلین ۵ آیی ایله مقایسهده آرتیم مشاهده اولونوب.
«۲۰۲۳-جو ایلده گلمه توریزمیندن الده اولونان گلیرلرین ۲۰۲۲-جی ایلله مقایسهده ۸۲ فایز آرتیمی مشاهده اولونور. ۲۰۱۹-جو ایلله مقایسهده ۲۰۲۳-جو ایلده عمومی توریزم گلیرلری ۹ فایز آرتیب. ۲۰۲۳-جو ایلده غیری-نفت-گاز ساحهسی اوزره توریستلرین یئرلشدیریلمهسی و اجتماعی ایاشهنین او.د.ام-ده پایی ۳،۵ فایز تشکیل ائدیب»، - دئیه او بیلدیریب.