آوروپا بیرلیی‌نین یئنی سانکسییا لاییحه‌سی گؤستریر کی، بو تشکیلات ایرانین روسییا ایله حربی امکداش‌لیغی ایله باغلی بیر نئچه یئنی شخص و قوروما سانکسییا تطبیق ائتمه‌یه چالیشیر.

Axar.az خبر وئریر کی، بو باره‌ده "آزاد آوروپا" سایتی‌نین فارس بؤلومو معلومات یاییب.

بیلدیریلیب کی، نویابرین ۱۸-ده سس‌وئرمه‌یه چیخاریلاجاق سانکسییانین هدفلری آراسیندا ایرانین گمیچی‌لیک گروپو دا وار.

آوروپا بیرلییی حساب ائدیر کی، گروپ ایللردیر حربی یوکلرین داشینماسیندا اشتراک ائدیب.

قئید ائدک کی، ایرانین گمیچی‌لیک گروپو، داها اول ۲۰۲۰-جی ایلده آمریکا طرفیندن سانکسییایا معروض قالمیشدی.

آوروپا بیرلییی ده ۲۰۱۳-جو ایلده بو ایرانین نووه پروگرامی ایله امکداشلیق ائتدیینه گؤره بو قوروما سانکسییا تطبیق ائدیب.