باکی‌دا آذربایجان مدنیت ناظرلییی ایله ایرانین اسلام مدنیتی و علاقه‌لری تشکیلاتینین نماینده هئیتی آراسیندا گؤروش کئچیریلیب. طرفلر ایکی اؤلکه آراسیندا مدنی علاقه‌لرین گئنیشلندیریلمه‌سی و بیرگه مدنیت هفته‌لری و گونلرینین تشکیلی مسئله‌سینی مذاکره ائدیبلر.

Axar.az خبر وئریر کی، بو حاقدا ایران مئدیاسی معلومات یاییب.

ایران طرفینین نماینده‌سی عبدلرضا راشد بیلدیریب کی، پرزیدنتلر سوییه‌سین‌ده علاقه‌لرین گئنیشلندیریلمه‌سینه قرار وئریلدیی کیمی، مدنیت ساحه‌سین‌ده ده بو مقصدلره چاتماق اوچون آددیملار آتیلمالی‌دیر.

او، مدنیت هفته‌لرینین اولجه باکی و تهران‌دا کئچیریلمه‌سینی، سونرا دیگر شهرلره یاییلماسینی تکلیف ائدیب.

آذربایجانین مدنیت ناظرینین بین‌الخالق مسئله‌لر اوزره معاوینی فرید جعفراف ایسه اؤلکه‌سینین بیرگه لاییحه‌لرین حیاتا کئچیریلمه‌سینه حاضر اولدوغونو، بو پروگراملارین ایکی اؤلکه آراسیندا مدنی علاقه‌لرین درینلشمه‌سینه مهم تهفه وئرجه‌یینی وورغولاییب.