قدیم آذربایجانین ایروان‌داکی تاریخی معمارلیق عابده‌سی ساییلان گؤی مسجدده بو دفعه داهی آذربایجان شاعری نظامی گنجوینین «خسرو و شیرین» پویماسی اساسیندا فارس و ارمنی دیللرینده حاضرلانمیش «خسرو» تماشاسی صحنه‌یه قویولوب.

Kult.az خبر وئریر کی، تماشا ایرانین «تندیس» اینجه‌صنعت قروپو طرفیندن تشکیل ائدیلیب بو باره‌ده ایران مئدیاسی معلومات وئریب.

معلوماتا گؤره تماشا ایرانین ارمنستان‌داکی مدنیت مرکزی طرفین‌دن ۱۰ گون عرضینده ایروان‌دا و داها بیر نئچه شهرده نماییش ائتدیریلیب.

ارمنستان‌دا یاشایان ایران‌لیلارین اشتراکی ایله صحنه‌یه قویولان «خسرو» تماشاسی «ایران مدنی کیملیینین بیر حیصه‌سی» کیمی تقدیم ائدیلیب.

ایرانین ایروان‌داکی مدنیت مشاوری محمد اسدی موحد تماشانین صحنه‌لشدیریلمه‌سی زمانی بو آددیمی ایکی اؤلکه آراسیندا مدنی علاقه‌لرین انکشافین‌دا تأثیرلی حساب ائدیب.