گونئی آذربایجان‌لی رژیسور محمد علی مرادی‌نین اورمیا گؤلو حاقین‌دا چکدیی "گؤلون اوشاقلاری" سندلی فیلمی باکی بین‌الخالق فیلم فستیوالینین "دیلی بیزیم" پروگرامین‌دا نمایش اولوناجاق.

Kult.az خبر وئریر کی، بو حاق‌دا رژیسور اؤزو معلومات یاییب.

فیلم‌ده اورمیا گؤلونون اکولوژی بحرانینین فسادلاریندان، انسانلارین، خصوصاً اوشاقلارین حیاتینا نئجه تأثیر ائتدییندن بحث اولونور. قید اولونور کی، بو تکجه اکولوژی پروبلم دئییل، هم ده بؤلگه‌نین گلجیی و انسانلارین ساغلاملیغی ایله بیرباشا باغلی تهددیدیر.

محمد علی مرادی بیلدیریب کی، فیلمین نمایشی ۷ دکابر ۲۰۲۵، ساعت ۱۱:۰۰-دا، نظامی کینو مرکزینین ۲-جی زالین‌دا اولاجاق.

"باکی‌دا اولان و ماراق‌لانانلار رسمی فستیوال پروگرامیندان باخا بیلرلر"،- او علاوه ائدیب.

گونئی‌لی رژیسور آچیقلاماسینین سونوندا فیلمین نمایشینه شرایط یاراتدیقلارینا گؤره فستیوال تشکیلاتچیلارینا تشکر ائدیب.