یئر کوره‌سی‌نین شمال یاریم‌کوره‌سینده، ایلین ۳۶۵ گونونون ان اوزون گئجه‌سی، یاز بایرامینا ۳ آی قالمیش باشلانان گئجه‌دیر.

Kult.az خبر وئریر کی، ۴۰ گون داوام ائد‌ن بؤیوک چیلله ۲۱ دکابردان باشلاییر، ۲۹ یانوارا کیمی داوام ائدیر. آردینجا ایسه ۲۹ یانوار-۱۸ فئورال تاریخلرینی احاطه ائد‌ن ۲۰ گونلوک کیچیک چیلله گلیر.

بو گئجه ایله باغلی قدیم عادت-عنعنه‌لر، مراسیملر جزئی فرقلرله هم آذربایجان رسپوبلیکاسیندا، هم ده گونئی آذربایجان‌دا عینی‌دیر.

گونئی آذربایجانین بیر چوخ بؤلگه‌لرینده کهنه‌دن قالان عادته گؤره، قیشا گیرمزدن اول قیش تداروکو گؤرر، قیش آیلاریندا تاپیلماسی چتین اولان ارازقلاری کهنه اصوللا کنسرولشدیرر، مختلف میوه‌لر قورودارلار.

بؤیوک چیلله باش‌لانان گئجه هامی بیر-بیرینین ائوینه توپلاشار، قوناقلار اوچون قورو یئمیشلر، قووورقا، ایده، قووود، هالوا و نار گتیریلر. ان سون‌دا دا چیلله قارپیزینی دیلیم-دیلیم کسیب هامییا پایلایارلار.

غربی آذربایجان ایالتینین سالماس محالین‌دا یاشایان کوره‌سونلو تورکلرین چیلله قارپیزی ایله باغلی ماراق‌لی عادتلری وار.

اونلارین عادتینه گؤره، چیلله قارپیزینی مجلیس‌ده اولان ان یاشلی آغساققال کسر. "قادا-بلامیزی کسدیک" دئییب، قارپیزین قابیقلارینی آخار سویا آتار.
چیلله گئجه‌سینین قدیم دبلریندن بیر چوخونو بو گون اورمییانین (اورمو) کندلرینده گؤرمک مومکون‌دور.

مثال اوچون اورمییانین قیزیل آشیق کندین‌ده بو گون‌ده گلینلرین و نیشان‌لی قیزلارین پای بوخچاسین‌دا قیرمیزی آلما موطلق اولمالیدیر.
بو بؤلگه‌ده تمیز سئوگی رمزی کیمی تانینان قیرمیزی آلما اولمادان تزه گلینلره و آداخلی قیزلارا پای گؤندرمزلر.

آذربایجانین بیر چوخ بؤلگه‌لرین‌ده اولدوغو کیمی گونئی آذربایجانین قاراداغ محلینین بیر چوخ یئرلرین‌ده، بؤیوک چیلله ایله کیچیک چیلله‌نین سون اوچ گئجه‌سینی خیدیر نبی گئجه‌سی آدلاندیریرلار.

اونلار بو گئجه‌لرده خیدیر نبی و خیدیر ایلیاسین اونلارین ائوینه گلدیکلرینه اینانار، بو آلتی گئجه یوخولاریندا گؤردوکلرینین اونلارین گله‌جک حیات و تالعلرین‌دن خبر وئردیینی دوشونرلر.

یئری گلمیشکن، ائله بو اینانجا گؤره ده، گونئی آذربایجانین بیر نئچه بؤلگه‌سین‌ده خیدیر (خیزیر) نبی آدیندا یاشاییش یئرلری و مقدس اوجاقلار وار.
اورمییانین گونئیین‌ده خیزیر و خیزیرلی کندلری، اهر شهرینین جنوب شرقین‌ده خیدیرووا کندی، اجبشئر و قارازیاددین شهرلری اطرافین‌دا یئرلشن خیزیر کندی و باشقا اونلارلا بئله نمونه‌لر گؤسترمک اولار.

ماراقلی‌دیر کی، بیر سیرا بؤلگه‌لرده، خصوصیله کند یئرلرین‌ده هر مراسیم و گونه اؤزل خصوصی بایاتیلار وار. او بایاتیلار باشقا واختلار سؤیلنیلمز، سؤیلنیلمه‌سینین اوغورسوزلوق گتیرجیینه اینانارلار.

بیر چوخ بؤلگه‌لرده چیلله گئجه‌سی قوهوم-قونشونون توپاشدیغی مجلیسلره ائل آشیقلاری چاغیریلار، قدیم زامانلاردان قالان عادت-عنعنه‌لر، مراسیملر باره‌ده دانیشیلار، کوسولولر باریشدیریلار، «کوروغلو»، «اصلی کرم» و باشقا آشیق داستانلاری دینله‌نیلر.

چیلله گئجه‌سی مراسیملرینی قدیم عادت-عنعنه‌لرین قورونوب-ساخلانیلماسی ایله یاناشی، قیش واختی خصوصیله کند و کیچیک یاشاییش یئرلرینده بیر نؤع سوسیاللاشماغا خیدمت ائد‌ن دب کیمی ده دیرلندیریله بیلر.