من دفعه‌لرله سایمان آروزا دئدیم کی، آغلینی باشینا ییغسین، سیاسیلشمه‌سین، سیاست باشقادیر، منیم یانیم‌دا اولسون، مندن آیریلماسین. بو آدام آنلامادی. اونا ائله گلدی کی. من سهو ائدیرم، تصادفی آدامام... سایمان، ایندی نتیجه چیخارت!.

Kult.az خبر وئریر کی، بو سؤزلری یازیچی حمید هریسچی سایمان آروزون آدربایجان یازیچیلار بیرلیی-نین گونئی آذربایجان ادبیاتی کمیسیاسینین صدری وظیفه‌سیندن آزاد ائدیلمه‌سی حاق‌دا دئییب.

او بیلدیریب کی، ۲۰۰۷-۲۰۰۸-جی ایلده گونئی‌دن گلن سایمان آروزا بورادا علاقه‌لر قورماغا یاردیم ائدیب، اونو بیر چوخ شخصله تانیش ائدیب و اونا شانس قازاندیریب.

قید ائدک کی، آذربایجان یازیچیلار بیرلیی کاتیبلیینین اجلاسین‌دا سایمان آروز وظیفه‌سیندن آزاد ائدیلیب و گونئی آذربایجان کمیسیاسینین صدری وظیفه‌سینه صابیر روستمخانلی سئچیلیب. حمید هریسچی ایسه کمیسیا صدرینین معاونی اولوب.

خاطیرلاداق کی، سایمان آروزون فعالیتینه قارشی گونئی آذربایجان‌دان ۱۹۸ یازارین ایمضاسی ایله آذرلایجان یازیچیلار لیرلیی صدری آنارا آچیق مکتوب عنوانلانمیش و س. آروزون گونئی ادبیاتینی تمثیل ائتمه‌دیی بیلدیریلمیشدی.

سایمان آروزون ایرانین خصوصی خدمت ارگانلارینین یئتیشدیریب، آذربایجانا گؤندردیی حاق‌دا دفعه‌لرله فاکتلارلا یازیلار تیراژلانیب. حتی سون دفعه بیر نئچه گون اؤنجه آنارا مراجعت عنوانلایان گونئی‌لی یازارلارا اطلاعات-این خبردارلیق ائتدیی و «بو ایشلردن» ال چکمه‌یی طلب ائتدیی بیلدیریلیر.