اردبیل شهرینین ۳۰۰ ایل اوله عاید اولان خریطه‌سی آلمانییادان آلیناراق اردبیل ایالتینین مدنی ارث تشکیلاتینا باغیشلانیلیب.

Kult.az خبر وئریر کی، بو حاق‌دا یئرلی مئدیا معلومات یاییب.

معلوماتا گؤره، بو، ۴۰ ایلدیر آلمانیادا یاشایان آذربایجان‌لی حکیم و جراح محمد شریعتین امیی نتیجه‌سینده باش توتوب.

"اردبیلین ۳۰۰ ایل اولکی وضعیتینی عکس ائتدیره‌ن خریطه و شکللر او دؤور آوروپالی سیاحلار طرفین‌دن ترتیب ائدیلیب و بو گونه کیمی بعضی موزئیلر و شخصی کوللکسیالاردا ساخلانیلیردی"،- اردبیل‌لی حکیم بیلدیریب.

آلمانییایا گئتمه‌دن اول اردبیلی تاریخی اوچ دوکان بؤلگه‌سینده ماغازاسی اولدوغونو دئین محمد شریعت، بو خریطه و فوتولاری اؤز شخصی وسایتی حسابینا آلاراق دوغما شهرینه هدیه ائتدیینی سؤیله‌ییب:

"آلمانیادا یاشاماغیما باخمایاراق، اردبیلله باغلی اونودولماز اوشاقلیق و گنجلیک خاطره‌لریم منی بو آددیمی آتماغا سوق ائتدی".