گونئی آذربایجان چاغداش ادبیاتی نین معاصیر اوسلوبدا یازان گنج تورک شاعیری ائلمیرا کریمی 32 یاشیندا دونیاسینی دَییشیب.

آخار.آذ خبر وئریرکی, اونون اؤلومونه بیر مودتدیر موباریزه آپاردیغی خَرچنگ خسته لیگی سبب اولوب.

1984-جو ایلین 26 فئورالیندا ایرانین غربی آذربایجان ویلایَتی نین سَلماس شَهَرینده آنادان اولان کریمی همدان اونیوئرسیته تین کیتابخاناچیلیق فاکولته سینی بیتیریب. ائلمیرا آذربایجان تورکجه سینده شعیرلری ایله اَدبیات سئوَه رلرین دیققَتینی چکیب. یارادیجیلیغی نین اَساس موضوعلاری قادین حوقوقسوزلوغو و دونیا حادیثه لری ایله اینسان وارلیغی نین قارشیلاشدیریلماسی اولوب.

32 یاشیندا دونیاسینی دَییشه ن گنج شاعیره نین سون شعیری نی تَقدیم ائدیریک:

***

بیزدن سونرا دونیا نئجه اولاجاق؟

هئچ بیلمیرم گونش هر سَحر دوغاجاق یئنی دن؟

یاشاملا دولودور هر یئر

بیر تَک بیزیک قارانلیقلار ایچینده.

دَرین بیر یوخویا گؤمولوب

اونودولماغا تاپشیریلاجاغیق حَیاتین ایچینده.