تورکیه نین تانینمیش صنعتچی سی, "تهمینه و زائوُر" فیلمینده یاراتدیغی "تهمینه" اوُبرازی ایله تانینان مئرال کوُنرات و رئجیسسوُر اؤنَر کیلیچ, آکتییور اَمره قیزیل ایرماق و دیگرلری سومقاییتدا قوناق اولوب.

آخار.آذ خبرله.کام-آ گؤره ایستینادَن خبر وئریرکی, سومقاییت شَهر مدنییت و توریزم ایداره سی و "بیلیک" تدریس مرکزی نین بیرگه تشکیل ائتدیگی سَفَر چَرچیوه سینده خانیم صنعتچی و یارادیجی هیئت یئنی تیکیله ن مَدنییت مؤسیسه لری ایله یاخیندان تانیش اولوب, شَهَریمیزده سون بیر ایلده آپاریلان آبادلیق, تیکینتی و قوروجولوق ایشلری حاققیندا معلوماتلاندیریب.

قوناقلار همچینین سومقاییت دؤلت درام تییاتریندا اولوبلار. تییاتردا یارادیلمیش شراییطله یاخیندان تانیش اولان صنعتکارلار صحنه ده تاماشاچیلار قارشیسیندا چیخیش ائدیبلر.

"بئله بیر تییاتر صحنه سینده ممنونییتله چیخیش ائتمک ایستردیک" دئیه ن صنعتکارلار بو سَفَرین مَدنی علاقه لرین اینکیشافیندا موهوم روُل اوینایا بیله جه یینی دیله گتیریبلر. تانینمیش آکتیریسا مئرال کوُنرات چیخیش ائده رک, سومقاییتدا ایلک دفعه اولدوغونو و گؤردویو منظره لرین اوندا خوش تاَثرات یاراتدیغینی بیلدیریب.