پرویز جبراییل چاغداش آذربایجان ادبییاتینین تانینمیش سیمالارینداندیر.او، 1971-جی ایل یانوارین 18-ده بیله سوار رایونونون عصمتلی کندینده آنادان اولوب. "اؤلنگی"، "هر صاباح یاشام"، و "یاد دیلده" کیتابلارینین مؤلفی اولان پرویزین اثرلری ادبی حادیثه کیمی قیمتلندیریلیب.

اونون "یاد دیلده" روُمانی "نسیمی" ادبی مسابیقه سینده "ایلین روُمانی" سئچیلیب. همچنین "کولت آذ" و ام کا ام ادبی پورتاللاریندا اوخوجولار آراسیندا کئچیریلن سس وئرمه ده "ان یاخشی اثر" نوُمیناسیاسیندا بیرینجی اوُلوب. بوندان باشقا "یاد دیلده" آذربایجان ادبی محیطینده حاظیردا ان عالی مکافات ساییلان " مللی کیتاب مسابیقه سی"نین قالیبیدیر. "یاد دیلده" روُمانی تبریزده آذربایجان دیلینده نشر ادیلیب. "هر صاباح یاشام" شعرلر کیتابی ایسه ایراندا فارس دیلینده ایشیق اوزو گؤروب. آخار.آذ یازیچی، شاعیر پرویز جبراییلین "سن منه آغ..." شعرینی تقدیم ائدیر:

سن منه آغ...

سن منه آغ مکتوبلار یوللا

یازدیقلارینی

آغ مرکبله قوللا

سنه آغ جوابلار

یوللارام.

مکتوبلاریمیز

اله کئچرسه بئله،

قورخما.

کیمسه آچا بیلمز

بو سرری

مکتوبلاری داشییان

دولانباج، اَیری-اویرو

دونقار بئللی

آغام یوللاردان غیری.

سن منه آغ مکتوب یوللا،

گؤزلریم یول اولمامیش

سال یولون آغینا،

یوللا...