آنا صحیفه کولت |
خالق شاعیری صابیر روستم خانلی حیات یولداشی، آذری-تورک قادینلار بیرلییینین صدری تنزیله روستم خانلینی آد گونو (28 دویابر) موناسیبتی ایله سوسیال شبکه ده تبریک ائدیب.
آخار.آذ خبر وئریر کی، صابیر روستم خانلی تنزیله خانیما حصر ائتدییی شعرینی بو سؤزلرله پایلاشیب:
"چتین عمور یولومون اعتیبارلی یولداشی، عزیز تنزیله خانیم، دوغوم گونون موناسیبتی ایله سنی تبریک ائدیرم. نه یاخشی کی، بو شعرین یازیلدیغی گوندن کئچن ایگیرمی ایل هئچ نیی دییشه بیلمه ییب؛ نه سنی نه بو مصراعلاری دوغوران دویغولاری..."
یاشینی دئمه
(تنزیله نین آد گونونه)
آد گونون موبارک سئوینجیم، دردیم،
بو گونه ان گؤزل دویغومو وئردیم،
سئوگیم گول- چیچکدیر، یولونا سردیم،
چیچک یاشینداسان، یاشینی دئمه!
بلکه باهار گلدین، بلکه قیش گلدین،
بلکه مزاریما سویوق داش گلدین
نه زامان گلدینسه، منه خوش گلدین
ایستک یاشینداسان، یاشینی دئمه!
حسرتیم سئل ایدی آخینی سنه،
نه قدر نغمه م وار، اوخونور سنه،
گولون له چه یی ده توخونار سنه،
کوُوره ک یاشینداسان، یاشینی دئمه!
گونش شفقیندن ائندیریب بلکه،
منی بخت آتینا میندیریب بلکه،
آللاه جنتیندن گؤندریب بلکه،
مه له ک یاشینداسان، یاشینی دئمه!
قانیمی قاینادیر، سندن هر سوراق،
روحوم دینجلدیر بو ائو، بو اتاق،
سیرریمی اوُخویان، دردیمه اوُرتاق،
کمک یاشینداسان، یاشینی دئمه!
سئوگی یاشاییرسا ایلین فرقی یوخ،
کونلوم سنین دیرسه، دیلین فرقی یوخ،
سینه مده، سینه نده، گلین، فرقی یوخ،
اورک یاشینداسان، یاشینی دئمه
28 دویابر 1996.
تاریخ
2016.11.29 / 14:26
|
مولف
Axar.az
|