آنا صحیفه کولت |
آذربایجان میللی علم لر آکادمییاسی ناخجیوان بؤلمه سی قیمتیلی اَل یازمالارین صورتلرینی اَلده ائدیب.
گؤرکملی آذربایجان عالیمی هیندوشاه ایبن سَنجَر ناخجیوانی طرفیندن 13-جی عصرین سونلاریندا فارس و تورک دیللرینده قلمه آلینان "صیحاحُ العجمیّه" آدلی لئکسوگرافیک اثرین اَل یازماسی نین ایکی نوسخه سی تورکییه ده تاپیلیب. آذربایجان میللی علملر آکادمییاسی ناخجیوان بؤلمه سی اینجه صنعت, دیل و ادبیات اینستیتوتونون دیرئکتوُرو آذربایجان میللی علم لر آکادمییاسی-نین موخبیر عضوو ابوالفضل قولی یئو همین نوسخه لرین صورت لرینی تورکییه نین ایستانبول شهری نین سولئیمانیه کیتابخاناسیندان و توپقاپی سارایی موزِئی ییندن اَلده ائدیب.
آذرتاج خبر وئریر کی, ابوالفضل قولی یئو طرفیندن تدقیقاتا جلب اولونان اَل یازمانین بیر نوسخه سی 108 صحیفه دن, اوبیری نوسخه سی ایسه 77 صحیفه دن عیبارت دیر. اَل یازمالارین فوتوصورت لری آذربایجان میللی علم لر آکادمییاسی ناخجیوان بؤلمه سی نین اَل یازمالار فوُندونون بالانسینا داخیل ائدیلیب.
لئکسیکوگرافیک اثر واختی ایله قافقازداکی, آنادولوداکی, بالکانلارداکی و یاخین شرقده کی مدرسه لرده درس وسائیطی کیمی ایستیفاده اولونوب.
بونا گؤره ده دونیانین مختلف کیتابخانا و موزِئی لرینده سؤزو گئده ن اثرین بو گونه کیمی 100-اَ قدر نوسخه سی موحافظه اولونماقدادیر.
قئید ائده ک کی, تاریخچی دیلچی عالیم, فیلوُسوُف, شاعیر, کاتیب, دؤلت خادیمی فخر الدین هیندوشاه ایبن سَنجَر ایبن عبدوالله ناخجوانی 1245-جی ایلده گیران شهرینده آنادان اولوب. او, تحصیلینی بغدادداکی اَن مشهور مدرسه لردن ساییلان موستنسریّه ده آلیب. هولاکو لار زامانیندا هیندوشاه ناخجیوانی مالییه ایداره چیلیگینه چالیشیب و بیر چوخ ویلایت لرین حاکیمی تعیین اولونوب. آذربایجان و بیر سیرا قونشو اؤلکه لرین ایجتیماعی-سیاسی حیاتیندان بحث ائده ن "تجاروب اوس-سَلَف" اثری نین, 1307-1308-جی ایللرده عرب دیلینده قلمه آلدیغی "مَوارید العرب" آنتولوگییاسی نین, فارس دیلینده بیر سیرا مشهور شعیرلرین مولفی دیر.
تاریخ
2016.11.29 / 17:20
|
مولف
Axar.az
|