سایمان آروز 21 مارت 1977-جی ایلده جنوبی آذربایجانین سولدوز شَهَرینده دوغولوب, عالی تحصیلینی تبریز آزاد اونیوئرسیته تینده آلیب. ایراندا "سوکوت کیمی ساکیت", "باریش خبرلری" باکیدا نشر اولونان "باهار گلمه دی", "پالتارلاریم آدامسیزدیر", شعیر کیتابلاری نین و "یوز ایل اینقیلاب" رومانین مولیفی دیر. دونیا آذربایجانلی لاری یازارلار قورومونون (دایاق) تاَسیسچیسی و رهبری, عینی زاماندا آذربایجان یازیچیلار بیرلیگینده گونئی آذربایجان شعبه سی نین مودیریدیر.

داریخیرام

و سَسیم آسقی لاردان آسیلیر.

داریخیرام

و باشماقلاریم آیاقلاریمدا گیجه لیر.

پالتارلاریم آدامسیزدیر

پالتارلاریم آدامسیزدبر

اَلیمی ساغ جیبیمه آتیرام

اَلیمی سوُل جیبیمه آتیرام

و سیگارئتسیزلیگیم

باشیما دَییر!
یارالارین

ایشارَتدیر

من ایسه عؤمرومو

سنین ترجومه نده اودوزموشام!

یارالارین باشلانیشدیر.

من باشلاییرام

و مؤعجوزه یارانیر!

*
من

گولدانیمداکی گولو

امید ایله ساخلایاممادیم

گؤزونو تیکدی گونشه

و باخا-باخا

اؤلدو

اویانیرسان

گؤزومو گؤزونه تیکیرم

و یاتیرام!