اومید نجاری 1989-جو ایل آپرئلین 15-ده تبریز شهرینده دوغولوب. آناسی شاعیره، آتاسی کیتاب سئور اولدوغو اوچون ادبیاتا چوخ باغلی بیر اینساندیر.

اونون شعرلری ایرانین بیر چوخ ادبی درگیلرینده درج اولونوب. اومید عینی حالدا آذربایجان یازیچیلار بیرلیگینین عضوودور. "قوشلار وادیسی" آدلی شعرلر توپلوسو کیتابی 2015-جی ایلده ایشیق اوزو گؤروب.

آناسی الینی بوراخیب

ایتگین دیر شهرین اورتاسیندا بو شعر

یئری ییر ایتگینلی یی

آغلاییر سورگونلویو

گؤزوندن غوربت سوزدورور

شمسینی آراییر مئولانا شعریم

ووروب جالاییر کیتابلاری حووضا

بو شعرین سندین آلتی دانگینی دا وور منیم آدیما

کلمه لرینی هئیکل یاپدیر چارراهلارا

گؤرونسون یالنیزلیغیم

قالدیریملارا آغ چیزگیدیر قافیه لریم

کینایه لریم یوموروق ایزیدیر دووارلارا

بو قدر آواره کلمه ایچینده

آللاه لیق ائدیر سن کلمه سی

کوفور ائدیر من کلمه سی

الینه قوربان بوک بیزی

سس سیزجه سوساق کیتاب لار آراسیندا..!!