آخار.آذ خالق شاعیری فیکرت قوجانین "من اولومو یاشامیشام" آدلی یئنی شعرینی تقدیم ائدیر:

چکین ایتیر،

یاواش یاواش،

یادا قه فیل.

اؤلوم بودور

یادا قه فیل!

میلیون میلیون

ذره لره پارچالانیرسان،

آپاریلیرسان،

داغیلیرسان،

سسیز، سمیرسیز،

سنسیز قالیرسان.

اؤزونو تاپا بیلمیرسن،

اؤلمورسن، دیریلمیرسن.

قالیرسان چکیسیزلیکده

کیمسه سیزلیکده.

بوردا بیر ایش یوخدو

سیزلیک، بیزلیک ده...

زامان، ایچینده ن

کئچیب گئدیر، بیلمیرسن.

آغلامیرسان، گولمورسن.

قیسقانجلیغین،

آجلیغین،

توخلوغون یوخدو.

زامانلا گئتمیرسن

وارلیغین، یوخلوغون – یوخدو!

زامان ایل ایدی، آی ایدی بیلمیرسن

کئچدی آن کیمی.

ذره لریم قاییتدی.

بئچه وئرن بال آریسی

شاهینین اوستونه ییغیلان کیمی.

قاییتدی آغریم، آجیم،

گؤزومو آچدیم،

باشیمین اوستونده خانیمیم،

اؤولادیم، باجیم.

قاییتدی قایغیلاریم، دردیم، چکیم.

آلتیمدا چارپایی زاری ییردی.

باشیم اوستونده

گولومسونوردو حکیم.

حکیمه راضیلیغیمی بیلدیردیم باشلا...

اوره ییمده اؤزومه دئدیم،

"آی یازیق، ایندی گل،

هر سئیی تزدن باشلا...،