سرور کامران‌لی - ( کامران‌لی سرور رحمان اوغلو ) ۱۹۸۷-جی ایلده یاردیم‌لی رایونونون داغوزو کندین‌ده ضیالی عائله‌سین‌ده دوغولموش‌دور. ائرکه‌ن یاشلارین‌دان بدیعی یارادیجیلیغا باشلامیش‌دیر. بیر نئچه کیتابین هم موللیفلرین‌دن‌دیر. آذربایجان یازیچیلار بیرلیینین، گنج ادیبلر مکتبی نین عضوو و دونیا گنج تورک یازارلار بیرلیینین ایداره هئیتینین عضوودور. باکی سلاویان اونیوئرسیتئتینین یارادیجی‌لیق فاکولته‌سینین مزونودور.

گل آغلاییم، دوش گؤزوم‌دن...

یوک اولموسان، گؤزلریمه نه واخت‌دی...

گل آغلاییم، دوش گؤزوم‌دن، آی ظالیم!

بیر دامجییا سیغیب، دوغول باخیش‌دان،

جانیم چیخ‌سین یئر اوزون‌دن، آی ظالم!

توتوب بوغور گؤزلریمی وارلیغین،

گوج‌دن سالیب دیزلریمی وارلیغین،

اسیر آلیب سؤزلریمی وارلیغین،

آدین چیخیر هر سؤزوم‌دن، آی ظالم!

ایچیم‌ده‌کی یاشادیغیم عؤمورسه‌ن،

نیه منه «یاشاتدیغیم» -دئمیرسن،

آلووونام کؤزوم‌ده‌کی کؤمورسه‌ن،

اوسانمیشام تا کؤزوم‌دن آی ظالم!