آذربایجان مطبخی دونیانین قدیم، زنگین و دادلی مطبخلرین‌دن بیری‌دیر. بو مطبخین اؤزونمخصوص، عوض اولونماز دادی اولان چوخ‌لو سای‌دا قورو و سولو یئمکلری، شیرنیاتلاری واردیر. بونلاردان بیری ده لونگی‌دیر. لونگی ایران و آذربایجان مطبخینین میللی یئمیی حساب ائدیلیر.

آخار. آز خبر وئریر کی، ایچی دولدورولموش بالیق و تویوق‌دان حاضرلانان لونگینین ایکی نؤوعو وار. بونلار سولو لونگی و قورو لونگی‌دیر. بالیق لونگی‌سی اساساً کوتوم بالیغین‌دان حاضرلانیر.

عمومیتله، لونگی تویوق و بالیق اوچون ایچدیر. بو ایچی عادتا آذربایجانین جنوب بؤلگه‌لرین‌ده، خوصوصیله لنکران‌دا حازیرلاییرلار.

تویوق لونگی‌سینین نئجه حاضرلانماسی حاقدا معلوماتی تقدیم ائدیریک:

لازیم اولان ارزاق لار

تویوق

۱۵۰-۲۰۰ قرام اویودولموش قوز (گیردکان)

۱ باش سوغان

آلچا تورشو

دوز

ایستیوت

حاضرلانماسی

سورتگج‌دن کئچیریلمیش سوغانی، ایکی خؤرک قاشیغی تورشونو اویودولموش قوزا قاتین. ایستیه گؤره دوز، ایستیوت علاوه ائدیب یاخشی قاریشدیرین. ایچلیک برک اولمالی‌دیر. تمیزلنمیش تویوغو دوزلاییب، ایستیوتلایین. داها سونرا تورشونو هم تویوغون ایچینه، هم ده اوستونه چکین. سونرا ایچینی دولدورون. سینه حیسه‌سین‌دن آزجا کسیب بوش حیصه‌یه ایچلیک‌دن قویون. بیشمه مرحله سین‌ده ایچلیک داغیلماسین دئیه آچیق قالان یئرلری یا کوردانلا (چوپله) باغلایا، یا دا ساپلا تیکه بیلرسینیز. ۴۵-۶۰ دقیقه، ۲۰۰-۲۲۰ درجه آلت-اوست یاندیریلمیش سوبادا بیشیرین.