جاوانشیر یاشار اوغلو اینتیقام ۱۹۹۰-جی ایل آذربایجانین گده بی رایونون‌دا آنادان اولوب. باکی دؤولت اونیوئرسیتئتینین ادبیات و فیلولوگییا فاکولته‌سینی بیتیریب. "ایلک گؤروش " و "سوسارسان" کیتابلاری چاپ اولونوب. ۲۰۱۶-جی ایلده «گنجلر موکافاتی»نا لاییق گؤرولوب.

حضرتی داریخماق

یئنه حضرتی داریخماغین الی, قاپی زنگین‌ده،
خئیر اولا آخشام-آخشام؟
یئنه دیواردان آسیلمیش تقویم‌ده‌کی
«۳» رقمی «اولماز اولسون» رنگین‌ده.
خئیر اولا آخشام-آخشام…
گؤزونو تاوانا زیللمک‌دی،
هردن سوکوتو،
هردن آلیب-وئردیین نفسی دینلمک‌دی چیخیش یولو.
بو چیخیش یولو گیریش اوچون حئسابلانیب
دوغما دیوارلار آراسین‌دا
اؤگئی بالالاری عزیزله‌مه‌یه.
اورییندن گلمه‌سه ده،
کؤنول خوش‌لوغو اولسون دئیه،
بیر-ایکی شیرین سؤز دئمه‌یه.
دوروم، آچیم قاپینی،
قوناغی گؤزلتمک اولماز.