هیندوشقا قیرقوووللار فسیله‌سینه عایید اولان قوش جینسی‌دیر. نورمال اینکیشاف ائتمیش بیر هیندوشقا کوتله‌سی ۱۲-۱۶ کیلوگرم، بده‌نینین اوزون‌لوغو ایسه ۱۰۰-۱۱۰ سانتیمتره قدر اولور. هیندوشکا آذربایجانا ۱۷۳۰-جو ایلده ایسپانییادان گتیریلیب. بو قوشا گونئی آذربایجان‌دا «هشترخان» «هیندیشقا»، «هیندوشقا»، «هشترخان تویوغو» دئییلیر، اما عمومیتله "هشترخان" دئییلیر. احتیمال اولونور کی، بو قوش گونئی آذربایجانا ایلک دفعه خزر دنیزینین قوزئیین‌ده اولان هشترخان شهریندن گلدیینه گؤره بئله آدلاندیریلیب. بو قوشا اینگیلیس دیلین‌ده «تورکئی» دئییلیر. گومان ائدیلیر کی، سؤزوگئدن قوش ایلک دفعه تورکییه‌دن قرب اؤلکه‌لرینه گئتدیینه گؤره بو آدلا تانینیب.
هیندوشقادان آذربایجان مطبخین‌دن بیر نئچه نؤو یئمکلر حاضرلانیر. اوندان حاضرلانان یئمکلر آرتیق میللی مطبخیمیزین ترکیب حیصه‌سینه چئوریلیب.
آخار. آز سوبادا (فر) بیشن هیندوشقا قیزارتماسینین حاضرلانما رئسئپتینی تقدیم ائدیر:
ارزاقلار:
۱ کیلوگرم هیندوشقانین قاناد دیبی
۱ عدد لیمون
زئیتون یاغی
دوز، ایستیوت
حاظیرلانماسی:
هیندوشقا اتینی یویوب تمیزلدیک‌دن سونرا اوستونه یاغ، دوز، ایستیوت و لیمون سویو علاوه ائدیب قاریش‌دیریریق. قاریشیغی سرین یئرده ۱ ساعت ساخلاییریق. تاوایا یاغدان آزاجیق تؤکوب اتی دوزوروک. ۱۸۰-۲۰۰ درجه‌ده سوبادا ۲ ساعت یاریما اتی قیزاردیریق.
سون‌دا ذؤوقه گؤره بزیرک سفره‌یه وئریریک.