عاقیل عباسین «دولو» رومانی تهران‌دا چاپ اولونوب.

بو بارده آخار. آذ-آ رومانین ناشیری شاعر-یازی‌چی سعید موغانلی معلومات وئریب. کیتابی اسکی الیفبایا ائلیار پولاد کؤچوروب.

رومان اوخوجولارا بو سؤزلرله تقدیم ائدیلیب:

«دولو» رومان دئییل، بیر فاجعه‌نین بویوتلارینی اؤلچن بیر میقیاس‌دیر. قاراباغین قارلی داغلاریندان یاشیل باغلارینا قانلا چکیلن جیزیق‌دیر. آنالارین قایغی‌سی، ایتکینلرین غئیرت داماری، باجیلارین دعا بارماقلاری، آتالارین... آتا قالماییب قاراباغدا، آتا کلمه‌سینین عمرو بیر عائله‌ده گؤیدن آخان بیر اولدوز قدر قیسادیر، آنجاق یئرینه شهید کلمه‌سی وار، سانکی قاراباغدا آتالار و ایگید اوغلانلار شهید کلمه‌سینی یاشاتماق اوچون یارانمیشلار.

«دولو» رومانی قاراباغین ساواش میدانین‌دان بالاجا بیر تابلودور. یوخسوللوق، آجلیق، اؤلوم، آیری‌لیق و تانرینین بوخچاسین‌داکی بوتون آجیلارلا برابر، سئوگی، غیرت، محبت، مردلیک و دویغولارین ان گؤزه‌لی تصویره چکیلیب. قاراباغ‌دا آغ و قارا چیین-چیینه یاشانیر. بیر اؤلکه‌نی غصب ائتمه‌یه چالیشان اجنبیلرین اورکلرده‌کی قوتسال‌لیقلارا البت گوجلری چاتمایاجاق. اونون اوچون ده دونیانین ان گؤزل دویغولاری همیشه بو اؤلکه‌لرده یاشانماق‌دا اولاجاق.

دونیا سوییه‌سین‌ده تانینمیش هنر قوجامانی عالیم قاسیمووون چوخ قریبه، اورک آغریدیجی و البته قولاغا سیرغا ائدیله‌سی بیر سؤزو وار: بیز نه زامان کوچه‌لره شوکولات کاغیذی تؤکمسک، قاراباغ آزاد اولاجاق.

اینسان اوریین‌ده آزاد و ویجدان‌لی یاشامالی‌دیر، کؤله اولماق مال–قارایا داها چوخ یاراشیر!...»