مقصد نورون «شهر مئری» رومانی اورمییه ده نشر ائدیلیب.

بو باره‌ده آخار.آذ-آ رومانین ناشیری سعید موغانلی معلومات وئریب. رومانی اسکی الیفبایا سحر بارانی چئویریب. رومان اوخوجولارا بو سؤزله‌لر تقدیم ائدیلیب:
«آدام وار
سس‌سیز جینایت داشیییر!
بونو شاعر چیلغینجا دا دئیه بیلردی...
«شهردار» (شهر مئری) آذربایجان جومهوریتین‌دن کؤچورولن اجتماعی-رئال بیر رومان‌دیر، یازیچی اثرین ان کیرلی اولایینا بارماق قویاراق گئرچک‌چی بیر فضادا او اولایلاری ایضاح لاماغا چالیشیب. قدرت ساحه‌سین‌ده مافییاچی‌لیق، جینایتلر، باندبازلیق و علاقه‌لرین ان اینجه آیرینتیلاری ایله آچیقلانمیش‌دیر. رومان رئال اولماسینا رغما، چوخ اوستون ادبی‌لیک سوییه‌سینی ده قوروماق‌دا باشاریلی اولموش‌دور. یازیچی توپلومو سارسیدان بیر اولایی هدف آلاراق، عاییلوی رابطه‌لرین گوج و قدرت آلیش-وئریشین‌ده نه قدر اؤنم‌لی رول اوینادیغینی آنلاتماغا چالیشیر. دیلین سرت اولماسینا باخمایاراق، رومانین مؤوضوعسو ایله سیخ رابطه‌سینی ساخلاماق‌دادیر. کلمه‌لرین بو درجه‌ده خوشونتی (زوراکی‌لیغی) بونا شاهیددیر کی، قدرت ان دویغوسال روحلاری دا قودوزلاشدیرماغا قادیردیر.
قدرت اؤزونو ساخلاماق و ان یوکسک گوجده قالماق اوچون اؤزونه دایروی نوچه (اطراف) آختاریر و اونلاری دا اؤزویله قالدیریر و البته ان چیرکین قویویا دا چکیر اؤزویله...
نور جنابلاری روماندا گوج طرفلرینی بو یؤندن تنقید آتشینه توتموشدور و معاصر باکی‌دا بو جور اویونبازلیغی قلمه چکیبدیر.
شهردار، اصل آدی «شهر مئری» بئله بیر اثردیر.
اونون اوخونماسینی بوتون ادبیاتیمیزی دقیق ایزله‌یه‌نلره تاپشیریق کیمی وئریر، اثرین دیلی چوخ ماراقلی اولدوغو اوچون دیلیمیزی یئنی موطالعه ائد‌ن اوخوجولارا دا تکلیف ائدیریک».