ایراده علیلی(علیئوا) زولفعلی قیزی ۹ کیتاب، بیر مونوگرافییا، ۴۰ - دان چوخ علمی مقاله مؤلفی‌دیر. ۱۹۷۸ - جی ایلده‌ن کیچیک شعیرلر، ائسه لر یازماغا باشلایان ایراده علیلینین ایلک شعیر و ائسه لرین‌دن عبارت کیتابی ۱۹۹۸ - جی ایلده «آذربایجان گنجلری»نده چاپ اولونوب.

آخار.آذ ایراده علیلی نین شعرینی تقدیم ائدیر:

ائله بیل...

ائله بیل یئلکنسیز قاییغام ایندی،

آزمیشام یولومو اَسن کولک‌دن.

یئنه آرزولاریم آلیشدی،

دیندی سینمده آلیشیب یانان اورکدن.

سنه دئمه دییم چوخ سؤزلریم وار،

اورک‌ده کؤز کیمی سیزلاییر سس‌سیز.

گؤزلریم‌ده بیتن بو لال سئودالار،

کدردن بیچیلیر،قویمادان بیر ایز.

ائه،نئجه یوخو کیمی اؤتوشدو ایللر،

عؤمرو زامان-زامان ایتیردیم،ایتدی.

هئچ دویا بیلمه دیم باخیشلاریندان،

عؤمرومو حسرتله بیتیردیم،گئتدی.

آیریلیق نه دیر کی،هیجران نه دیر کی،

گول اوسته شئه کیمی دوزوله‌ن آنلار.

سنه دئمه دیم کی،دئیممه دیم کی،

سنینله هر درده دؤزمه‌یه نه وار.