یوخاری

تورکییه‌ده شهریارین یوبیلئیی کئچیریلدی - فوتو

آنا صحیفه کولت
12 Punto 14 Punto 16 Punto 18 Punto

تورکییه‌ده گؤرکه‌ملی آذربایجان شاعری محمدحوسئین شهریارین آنادان اولماسینین ۱۱۰ ایللیینه حصر ائدیلمیش یوبیلئی تدبیری کئچیریلیب.

کولت .آذ خبر وئریر کی، ایستانبول اونیوئرسیتئتین‌ده کئچیریله‌ن تدبیری گیریش سؤزو ایله ایستانبول تورک اوجاقلاری باشقانی جئزمی بایرام آچیب. بیلدیریب کی، شعیریمیزی یوکسک زیروه‌لره قالدیران، اینسانلارا وتنپرورلیک دویغولاری آشیلایان، میللی هم رای‌لیک ایدئیاسی تبلیغ ائد‌ن، میللی روحون اویانیشین‌دا بؤیوک خیدمتلری اولان شهریار یارادیجی‌لیغی هر زامان آذربایجان خالقی ایله برابر، بوتون تورک دونیاسی طرفین‌دن سئوگی و تقدیرله قارشیلانیب.

آوراسییا بئین الخالق آراش‌دیرمالار اینستیتوتو ایب-نین صدری، میللت وکیلی قنیره پاشایئوا شهریارین یارادیجیلیغین‌دان گئنیش بحث ائدیب، بیلدیریب کی، تورک گنجلیینین شهریاری اؤیره‌نمه‌سی، بیلمه‌سی لازیم‌دیر. شهریارین هم ده بؤیوک ضیالی اولدوغونو وورغولایان میللت وکیلی پاشایئوا اونون «آذربایجان»، «تورکون دیلی»، «حیدر بابایا سلام» اثرلرین‌ده‌کی بؤیوک وطن، میللت، دیل سئوگی‌سینی خصوصی قئید ائدیب. رهبرلیک ائتدیی تشکیلاتین اوستاد شهریارلا باغلی قارداش تورکییه‌نین بیر سیرا ویلایتلرین‌ده ده سیلسیله تدبیرلرین تشکیلینه دستک وئردیینی دئیه‌ن میللت وکی‌لی پاشایئوا اوستادین اوغلو هادی بئهجت تبریزییه تشککورونو بیلدیریب.

تدبیرین تشکیلاتچی لارین‌دان ایستانبول اونیوئرسیتئتینین ادبیات فاکولته‌سی دئکانی حایاتی دئوئلی، تورکییه کولتور و توریزم ناظیرلیینین رسمی نماینده‌لرینین چیخیشلارین‌دان سونرا تدبیر پانئللرله داوام ائدیب. آذربایجان یازچیلیار بیرلیینین جنوبی آذربایجان بؤلومونون رهبری سایمان آروز، یازگول آبدیئوا، پروف. دؤکتور محمد نور دوغان، دؤکتور یوسیف گدیک‌لی، شاعر علی آغباش و دیگرلری شهریارین یارادیجی‌لیغی ایله باغلی گئنیش مریزه ایله چیخیش ائدیبلر.

اوستادین یادیگاری هادی بئهجت تبریزی چیخیشین‌دا تدبیرین تشکیلات‌چیلارینا تشککورونو بیلدیره‌رک شهریار یارادیجیلیغین‌دا وطنپرورلیک، اینسانپرورلیک مؤوضوعسون‌دا فیکیرلرینی بؤلوشوب. ۲۰-جی عصر آذربایجان ادبیاتین‌دا اؤزونه مخصوص یئری اولان م.ه.شهریارین زنگین و چوخ جهت‌لی یارادیجیلیغین‌دان دانیشان هادی بئهجت تبریزی اونون آذربایجان و تورک ادبیاتین‌داکی رولو باره‌ده گئنیش فیکیرلرینی بؤلوشوب.

تدبیرده تبریزدن و تورکییه‌نین موختلیف بؤلگه‌لرین‌دن گلمیش دیرلی صنعت‌چیلر شاعرین شعیرلرینی اوخویوب، اونون شعیرلرینه یازیلمیش ماهنیلار سسله ندیریلیب.

تاریخ
2017.02.01 / 21:50
مولف
Axar.az
دیگر خبرلر

تبریزده تاریخی عابده محو اولور

یولداش اؤلوم - جابر نوروز

آراز ائلسس «گئتمه‌لیسن»له سیاسی مساژ وئردی - ویدئو

۱۰ مارت - ملی تئاتر گونودور

بو گون محمد امین رسولزادنین آنیم گونودور

ایران‌دا سعودیه عربیستانینین سریالنا قاداغا قویولدو

خیاودا آشیق موسیقی‌سی مراسمی کئچیریلدی

«اسماعیل»ین «فریاد»یندا سؤنه‌ن جیحون میرزایئو

نووروز شیرنیاتلاریندان-آذربایجان پاخلاواسی

۳ آذربایجان فیلمین‌ده یئر آلان گیزلی فاکتلار

خبر خطّی
Axar.az'da reklam Bağla
Reklam
Bize yazin Bağla