۱۸۹۶-جی ایلده حاجی زین العابدین تاغییئو "کاسپی» قزئتینی مطبعه‌سی ایله بیرلیک‌ده ۵۶ مین روبلا ساتین آلدی. روسییا مسلمانلارینین اجتماعی-سیاسی حیاتیندا بؤیوک رول اوینایان علیمردان بی توپچوباشوو "کاسپی» مطبعه‌سی و قزئتینی ایداره ائتمه‌یه باشلادی و بو دؤنمدن سونرا قزئت "مسلمان کاسپی»سی آدلاندیریلدی.

چونکی بو دؤوردن باشلایاراق آذربایجانلی مؤلفلر قزئت صحیفه‌لرینده آردیجیل چیخیشلار ائتدیلر. ح. زردابی، م. شاختاختلی، ا. حسینزاده، ا. آغا اوغلو، ت. بایرام علیبیوو، م. حاجینسکی، جیحون و اوزئییر حاجی بیلیلر آذربایجان مدنیتینه، تاریخینه، میللی-مدنی محیطینه، تحصیلینه دایر داواملی یازیلار یازیب، اجتماعی پروبلملری قالدیردیلار. ه. ز. تاغییئو ۱۹۱۲-جی ایلین ۱۲ فورال تاریخیندن اعتباراً مطبعه‌نی خالقین مدنی حیاتیندا رولو اولان عیسی بی آشوربی‌لییه ۶ ایل مدتینه کیرایه وئردی.

آذربایجان مرکزی تاریخ آرخیوینده چالیشان شرق قزئتینین باش رئداکتورو آکیف آشیرلی همین سندلری اوزه چیخاریب.

آ. آشیرلینین وئردیی معلوماتا گؤره، باکی شهر پولیس ایداره‌سی ریسینه حقیقی دؤولت مشاویری ه. ز. تاغییئو رسمی عریضه ایله مراجعت ائدیر.

بیلدیریر کی، باکیدا اونا مخصوص، نیکولایئوسکی کوچه‌ده یئرلشن "کاسپی» مطبعه‌سینی بوتون اینونتارلاری ایله بیرگه ۱۹۱۲-جی ایل مارتین ۱-دن ۶ ایل مدتینه ایجاریه وئریر. ه. ز. تاغییئوین همین عریضه‌سینه اساساً ای.آشوربی‌لییه "کاسپی» مطبعه‌سینین شهادتنامه‌سی وئریلیر.