بوردور ویلایتینده قنیره پاشایئوانین «وطن قوخوسو» کیتابینین ایمضالانما مراسیمی اولوب.

کولت. آذ خبر وئریر کی، بوردور والی‌لیگی، بلدییه رسمیلرینین، محمد آکیف ارسوی اونیورسیتتینین رکتورو، اونیورسیتتین عالیملرینین، طلبه‌لرین، ق ح ت و کیو رسمیلرینین ایشتیراکی ایله کئچیریلن تقدیمات و ایمضا مراسیمینده تورک میللتینین گنج نسیللری اوچون کیتابین اؤنمی خصوصی وورغولانیب.

ایمضا مراسیمینه بؤیوک دقت گؤستره‌رک ایشتیراک ائد‌نلره و تشکیلات‌چیلارا تشکورونو بیل‌دیرن میللت وکی‌لی پاشایئوا آخیسکا تورکلرینین اؤز وطنلریندن زورلا سورگونونو قلمه آلدیغی «وطن قوخوسو» کیتابی بارده معلومات وئریب و گنجلرین ایشتیراکی ایله ایمضا مراسیمینین کئچیریلمه‌سینین اهمیتینی خصوصی وورغولاییب.

داغیق قاراباغ، آخیسکا، کریم، کرکوک، تورکمنداغیندان دانیشان میللت وکیلی پاشایئوا گنجلری اورتاق تاریخیمیزی یاخشی اوخوماغا، اؤیرنمه‌یه چاغیریب. او بیلدیریب کی، دونیانین هاراسیندا دوغولوب، هاراسیندا یاشاماسیندان آسیلی اولمایاراق، هر بیر تورک اینسانی اورتاق تاریخمیزی یاخشی بیلملیدیر و بوتون مسئله‌لرده بیر-بیریمیزه داها چوخ دستک وئرملیییک. بو کیتابین گنجلریمیز آراسیندا آخیسکا تورکلرینی داها یاخشی تانیماغا اؤز تؤهفه‌سینی وئره بیلجیینی دئین میللت وکیلی پاشایئوا «اینشاللاه گلن تدبیرلریمیزده آخیسکادا، ایشغالدان آزاد ائدجییمیز آذربایجان تورپاقلاریندا گؤروشک»، - دئییب.

میللت وکیلی تدبیر ایشتیراکچیلاری اوچون کیتابلارینی ایمضالاییب و بیر سیرا تورک توپلوملارینین غیری حکومت تشکیلات رهبرلری، آیدینلاری ایله گؤروشرک فیکیر مبادیله‌سی ده آپاریب.