ایراندا رقییه کبیرینین آذربایجان تورکجه‌سینده یئنی کیتابی نشر اولونوب.

آخار.آذ-این وئردیی معلوماتا گؤره، مارتین ۱-ده خوی شهرینین "کانون پرورش" زالیندا رقییه کبیرینین یئنی چاپ اولونموش "قوشلار داها قورخمورلار" آدلی کیتابینین تقدیمات مراسمی کئچیریلجک.

تدبیرده گونئی آذربایجانین تانینمیش سیمالاری، او جمله‌دن، پرویز یئکانلی، علیرضا زیحق، آراز احمد اوغلو، حمید آرغیش و دیگرلری ایشتیراک ائد‌جک.
تقدیمات مراسیمینین آپاریجیلاری ایسمائیل لطفی و سالار کرلردیر.
قید ائدک کی، آذربایجان رسپوبلیکاسیندا دا کیفایت قدر تانینان گونئیلی یازار رقییه کبیرینین یئنی کیتابی بو ایلین یانوار آییندا ایراندا آذربایجان تورکجه‌سینده ایشیق اوزو گؤروب.

«قوشلار داها قورخمورلار» رومانی نیلوفر و نرگیس آدلی ایکی فرقلی نسیلدن اولان قادینین حیاتیندان بحث ائدیر. رومانداکی حادثه‌لر خوی شهرینده ایرانین ایکی اؤنملی تاریخی دؤنمینده - ۱۹۴۵-۱۹۷۹-جو ایللرده باش وئریر. میللی حکومتین قورولوشو و حکومتین داغیلماغیندان سونراکی مهاجرت مسئله‌سی نیلوفرین یاشاییشیندا ایز بوراخیرسا، ۱۹۷۹-جو ایل اینقیلابی، اوسته‌لیک، اینقیلابدان آسیلی اولان حادثه‌لردن سونرا ضیالیلارین و سولچولارین مهاجیرتی ده نرگیسین یاشاییشیندا ایز بوراخیر.