مارتین ۲۱-ده ساعت ۱۵:۰۰-دا «اودلار یوردو» قروپونون تشکیلاتچی‌لیغی، آذربایجان-سلاویان گنجلری آسوسیاسییاسینین دستیی ایله مسلم ماقومایئو آدینا آذربایجان دؤولت فیلارمونییاسیندا ۸ اؤلکه‌نین ایشتیراکی ایله «میللی رقص و موسیقی» فئستیوالی کئچیریله‌جک.

ترند-این معلوماتینا گؤره، بین الخالق فئستیوالدا آذربایجان، روسییا، تورکییه، ایران، لیتوا، تاتاریستان، قازاخیستان و گرجستان‌دان اولان رقص قروپلاری ایشتیراک ائد‌جکلر. ایشتیراکچی قروپلار تمثیل ائتدیکلری اؤلکه‌لرین میللی خالق موسیقیلرینی و رقصلرینی تقدیم ائد‌جکلر.

«میللی رقص و موسیقی» فئستیوالینین تشکیل اولونماسین‌دا اساس مقصد دونیانین موختلیف یئرلرین‌دن گلمیش رقص قروپلاری آراسین‌دا دوستلوغون گوجلندیریلمه‌سی، آذربایجان مدنیتی و اینجسنتینی تانیتماق، ائل‌جه ده میللی باهار بایرامی اولان نووروز عادت-عنعنه‌لری حاقین‌دا اطراف‌لی معلومات وئرمک‌دیر.

قئید ائدک کی، بو سایجا تشکیل اولونان ۳ -جو «میللی رقص و موسیقی» فئستیوالی‌دیر. فئستیوال‌دا دونیانین ۸ اؤلکه‌سین‌دن ۲۵۰ یاخین ایشتیراک‌چی نظرده توتولوب. گیریش اؤدنیش‌سیزدیر.

سون‌دا ایشتیراک‌چی قروپلارا باکی شهرینه عایید ماراقلی هدییه‌لر و دیپلملار تقدیم اولوناجاق.