۱۵-جی عصرده نامعلوم مؤلف طرفیندن قله‌مه آلینان و هانسی دیلده یازیلدیغی هله ده اؤیرنیلمه‌یه‌ن «ووینیچ الیازماسی» آدلی کیتاب تاریخین ان سیرلی کیتابی حساب اولونور.

مدراتور. آذ خبر وئریر کی، ۱۵-جی عصرده یازیلان کیتاب‌داکی یازی دیلی، سیمووللار، ایشاره‌لر اوزون ایللردیر کی، تدقیق ائدیلسه ده، بیر نتیجه حاصیل اولماییب. هئچ کیتابین دا آدی تام دقیق دئییل. ووینیچ همین کیتابی آشکارلایان و اونو اوزون ایللر چؤزمک ایسته‌یه‌ن شخصین آدیدیر. او، مقصدیله نایل اولمادیغینی گؤروب، همین کیتابی یاله اونیورسیتتینه باغیشلاییر. اوندان سونرا پشکار عالیم و دیلچیلر کیتابی چؤزمه‌یه باشلاسالار دا، بونا نایل اولا بیلییبلر. الیازما شرطی اولاراق بیر نئچه بؤلومه آیریلیب: قادینلار حاقیندا؛ اولدوزلار، سما جیسیملری حاقیندا؛ بیتکیلر حاقیندا؛ علاقه‌سیز پاراقرافلار. بونلارین هامیسی خصوصی الیفبا ایله یازیلیب و آرالاریندا سیرلی زنجیرین اولدوغو قید ائدیلیر. بؤلمه‌دن-بؤلمه‌یه کئچدیکجه، آراشدیریجیلاردا سینیر پوزونتولاری یارانیر.

میستیکایا میل ائد‌ن بعضی آراشدیرماچیلارین سؤزلرینه گؤره، همین کیتاب اؤلومسوزلوک ایکسیرینی اؤزونده عکس ائتدیریر. اگر اوراداکی شیفرلری چؤزمک ممکون اولسا، اینسانلار اؤلومسوزلویون سیررینه واقیف اولا بیله‌جکلر.