مایین ۶-سی آقشین ائوره‌نین «منفی سن‌سیز درجه» شعرلر کیتابینین تقدیمات مراسیمی کئچیریله‌جک.

کولت. آذ خبر وئریر کی، گنج تاماشاچیلار تئاتریندا باش توتاجاق مراسیم ساعت ۱۷:۰۰-دان ۱۹:۰۰-آ قدر داوام ائد‌جک.

کیتابدا مؤلفین سون ۱۰ ایلده یازدیغی سئچمه شعرلری یئر آلیب.

آقشین ائوره‌نین کیتاب‌دا یئر آلان شعرلرین‌دن بیرینی تقدیم ائدیریک:

یاش کؤینگین فوتوسو

ایندی بوتون گؤزله‌مکلر قاپین‌دا اؤلوب

تا او گلمیر دئیه، پنجره‌ن کور قالیب،

قاپین دا اؤلوب...

ائله بیل ساچین دا اونو تاپماقچون

اوزانیر هاراسا... هاراسا گئدیر

سنین بده‌نینین یارسی ائوده‌دیر،

گئیینیب یاریسی هاراسا گئدیر

کؤینگین اوتولییرسن الین اوشویور

آتیب گئتمک ایستییرسن آغریییر آیاق قابین

بیلیرسن، عؤموردن دوغما بیری گئدنده

اوشویوب تئز ائوه گیرر چؤل قاپین...

هه، آساندی قاب یوماق، یئمک بیشیرمک
بیرجه همیشه اوتوردوغونوز سکامیا (کاناپه) ایندی بیر آز سویوق،

ایندی بیر آز کیرلیدی

ایندی خاطره‌لره توخونماق اونون یاش کؤینیینی

الکتریک خطین‌دن آسماق کیمیدی.