بو گون آذربایجانین دونیا شهرتلی خواننده‌سی عالیم قاسیمووون ۶۰ یاشی تامام اولور.

آخار.آذ تانینمیش شاعر، صنعتکارین دوستو روستم بهرودینین اونون دوغوم گونو ایله باغلی تبریک و شعیرینی تقدیم ائدیر:

«اوخو، عالیم، اوخو! گؤی اوزونو سئویب، یئر اوزونده یاشاماغین آجیسی وار سسینده. اوخو!

بوش بیر مزار وار اوزاقلاردا، باش داشینی آتشلر یونور جهنمده. او آتشلرین اوستونه اوخو!

کیمینسه کئچمیشی کیمینسه گلجیی، کیمینسه گلجیی کیمینسه کئچمیشیدیر. بس اوندا هارا جان آتیرسان، ظالم آدام؟!

جان آتمادان اوخو!

بیر سرخوش بوش قدحدن نه اومورسا بورالاردان اوماجاغین او قدردیر سنین! اوخو و چیخ گئت!

اوخو! بنده‌لری گوجسوز الله‌دان قاچیب ایبلیسین بربزکلی آراباسینا مینمیه قویماماق اوچون اوخو!

بیزی یئر اوزونده تکباشینا بوراخیب گئدن تانرینی آدینا دعا اوخو!

بیزیم هامیمیزین عوضیدن اوخو!

تانری‌دان باشقا هر شیی اونودا-اونودا اوخو!

آدسیز بنده‌لرین آدی ایله اوخو!

اوخو:

چیخیب زامان آدلی حددن،

تانرییا چوخ یاخینسان سن،

عیسی، موسی، محمددن

بو دیوانه حالین ایله!

اوخو، عالیم، اوخو!»