کولت. آز شاعر یئتیم ائیوازدان «یاغیش» شعرینی سیزه تقدیم ائدیر.

یاغیش یاغیر...
یاز یاغیشی...یاغ آی یاغیش،
یاغگینه‌ن سن، سنه اهسه‌ن،
سنه آلقیش، یاغ آی یاغیش،
یاغگینه‌ن سن، بو چؤللره، چمه‌نلره یاغگینه‌ن سن،
سوسوزلوقدان خزان اولان چیچکلره یاغگینه‌ن سن،
یاغگینه‌ن سن آرزولارا،دیلیلره یاغگینه‌ن سن،
محببتدن آلوولانان اورکلره یاغگینه‌ن سن،
یاغگینه‌ن سن،یاغا-یاغا ایسلاتگینه‌ن پالتاریمی،
قایتار منه گنجلیکده کی،اؤزعهدیمی،ایلقاریمی،
ائله یاغ کی، قوی ایسلانسین الیمده‌کی قلم، ورق،
یادیمدادی نجه یاغدین، دوز اوتوز ایل بوندان قاباق،
ائله گؤزل یاغمیشدین کی، ایسلانمیشدی اوز-گؤزوموز،
اوتورموشدوق قالا آلتیندا، بیر پالیدین آلتیندا بیز،
سن یاغدیقجا،دامجیلارین سپیلیردی اوزوموزه،
ایکیمیز ده ایسته‌میردیک دوروب گئدک ائویمیزه،
قورخوردوق کی، دوروب گئتسک، خلل گلر سئوگیمیزه،
سن ائله بیر شعرسن کی، سن ائله بیر نغمه‌سن کی،
آغزین یوخدو، دیلین یوخدو، نئجه دئییم، بیله‌سن کی؟
سن یاغاندا یاماجلارا، دوزه‌نلره جان وئریرسن،
زمیلرده سونبوللرین دامارینا قان وئریرسن.
یاغ ای یاغیش، قوربان اولوم سحره‌جن یاغگینه‌ن سن،
دایانمادان، قالا آلتیدان شهره‌جه‌ن یاغگینه‌ن سن.
یاغگینه‌ن کی، گیله زیده شوران دوزلر چیچک آچسین،
بو اؤلکه‌دن، بو دیاردان، غصه-کدر اوزاق قاچسین،
یاغا-یاغا نه اولار کی،خبر آپار سئوگیلیمه،
آمان گوندو بو حالیمی،بو گونومو اونا دئمه،
دؤیه-دؤیه پنجره‌سین، دئگینه‌ن کی، گلیبدی یاز.