بو گون ایراندا محمدعلی شاه دیکتاتوراسینا قارشی مشروطه اینقیلابینین (۱۹۰۵-۱۹۱۱) گؤرکملی خادیمی، خالق قهرمانی ستارخانین دوغوم گونودور.

آخار. آذ خاتیرلادیر کی، ستارخان ۱۸۶۶-جی ایلین ۲۰ اوکتیابریندا ایرانین آذربایجان بؤلگه‌سینین قاراداغ ویلایتینین بیشک کندینده تاجیر عائله‌سینده آنادان اولوب.

۱۹۰۵-۱۹۱۱-جی ایللرده باش وئرمیش مشروطه حرکاتی ستار خانی بؤیوک سرکرده سوییه‌سینه قالدیریب. ۱۹۰۷-جی ایلده تبریزین امیرخیز محلینین آزادلیق فدایلرینه باش‌چیلیق ائد‌ن ستار خان نوماییش ائتدیردیی غیری-عادی قهرمان‌لیغی و شجاعتی ایله آزادلیق فدایلرینین سئویملی سرکرده‌سینه چئوریلیر.

۱۹۰۹-جو ایلین آپرئل آیینا قدر تبریز عصیانی اینقیلابچیلارین وئردیی چوخسایلی ایتکیلره باخمایاراق دوشمه‌نین سلاحلی قوه‌لری تبریزدن چیخاریلیر. بو دؤیوشده ستار خان و باقیر خان نماییش ائتدیردیکلری غیری-عادی قهرمان‌لیقلاری مقابیلینده آذربایجانین ایالت انجمنی طرفیندن موافیق اولاراق «سرداری-میلی» (خالق سرکرده‌سی) و «سالاری-میلی» (خالق رهبری) فخری آدلارینا لاییق گؤرولورلر.

تبریزین مدافعه‌سی حربی شورایا تاپشیریلیر. عصیانچیلارین بو غلبه‌سی آذربایجانین باشقا ویلایتلرینه و بوتون ایرانا تأثیر گؤستریر. تهران، قزوین، رشت، اصفهان و باشقا شهرلرده «ستار خان» آدی آلتیندا انقیلابی کمیته‌لر یارانیر. تبریز ایالت انجمنی اؤزونو شورا مجلیسینین ائلچیسی کیمی تقدیم ائدیر. ۱۹۰۸-جی ایلین اوکتیابر آیینا قدر آذربایجانین بیر چوخ ویلایتلری دوشمنلردن تمیزلنیر. اؤلکه‌ده اینقیلابی حرکاتین گوجلنمسیندن قورخویا دوشن شاه-ایرتجا قوه‌لری تهران‌دا شورا مجلی‌سینین یئنیدن آچیلماسینا اجازه وئرمه‌یه مجبور اولورلار. ۱۹۰۸-جی ایلین دکابر آییندا آچیلان ایکینجی شورا مجلیسی ستار خان ایله باقیر خانین خیدمتلرینی دیرلندیرمک مقصدیله آدلاری متال لوحه اوزرینه قیزیل حرفلرله حک ائدیلمیش شرف نیشانلارینین حاضرلانماسی و مجلیسین یئنیدن آچیلیشی زامانی تریبونادان آسیلماسی حاقیندا فرمان وئریر.

تبریز اینقیلابینین غلبه‌سیندن سونرا اینقیلابی احوال-روحییه‌نین آرتماسی شاه قوه‌لرینی، چار روسییاسی و اینگیلتره‌نی تشویشه سالیر. اونلار ستار خانی و سلاحداشلارینی گؤزدن سالماق اوچون ستار خان و باقیر خانی سلاحداشلاریندان، تبریزدن آییرماغا چالیشیرلار. ۱۹۱۰-جو ایل مارت آیینین ۶-دا ستار خان و باغیر خان ۳۰۰ نفر سلاحداشی ایله تهرانا یولا دوشور. ۱۹۱۰-جو ایل آپرل آیینین ۳-ده ستار خان تهرانا چاتیر. قوربانلار کسیلیر، تهران اهالیسی اونو خیلاصکار کیمی قارشیلاییر.

ستار خانا فدایلری ایله اتابک پارکیندا یئر وئریلیر. ۱۹۱۰-جو ایلین ۷ آوگوستوندا شاه قوشونلاری و تهرانین میللیتجه ارمنی اولان و اولر ستتار خانین قولری ایله بیرگه شاه رژیمینه قارشی موباریزه آپارمیش، داشناک یفرم داویدیان‌ین باشچیلیق ائتدیی پلیس قوه‌لری گئجه خاینجه‌سینه اتابک پارکینا هوجوم ائدیرلر، ستار خانین قوه‌لرینی محاصره‌یه آلاراق ترکی سلاح ائتمه‌یه جهد گؤستریرلر. باش وئرن سلاحلی قارشیدورمادا ستار خان آیاغیندان یارالانیر. ستار خانین قوشونلارینا تهراندان چیخماغا ایمکان وئریلمیر. بعضی منبعلره گؤره ستار خان اصلا ارمنی اولان یپرمخان آدلی بیری طرفیندن وورولور. آلدیغی گوله یاراسیندان ۱۹۱۴-جو ایل نویابر آیینین ۹-دا ستار خان ۴۸ یاشیندا وفات ائدیر و تهرانین شاه عبدولعزیم قبیریستانلیغیندا دفن اولونور.