حسین جاوید آذربایجانین بؤیوک دراماتورقلارین‌دان بیری‌دیر.

آخار. آذ خاتیرلادیر کی، جاوید افندی ۱۸۸۲-جی ایل اوکتیابرین ۲۴-ده ناخچیواندا آنادان اولوب. ادبیات تاریخیمیزده ایلک منظوم فاجعه ("شیخ سنان") و ایلک منظوم درامین ("آنا") مؤلفی اولان حسین جاویدین "کئچمیش گونلر" آدلی ایلک شعیر کیتابی ۱۹۱۳-جو ایلده چاپ اولونوب.

۲۰-جی عصر آذربایجان رومانتیزمینین ان بؤیوک نماینده‌سی حساب اولونان جاوید داها چوخ دراماتورق کیمی تانینیب.

اونون "ایبلیس"، "پیغمبر"، "توپال تیمور"، "سیاوش"، "خیام" کیمی اثرلری ادبیاتیمیزین نادیر اینجیلریدیر.

تاتریمیزین اینکیشافیندا دا میثیلسیز خیدمتلری اولان حسین جاوید ۱۹۴۱-جی ایل دکابرین ۵-ده سیبیرده آمانسیز سورگونده وفات ائدیب.

گؤرکملی صنتکارلاریمیزین الیازمالاری، فوتولاری نادیر حاللاردا گونوموزه قدر گلیب چاتیر. بو معنادا، جاویدین ۲۰۰۳-جو ایلده لنته آلینمیش "سما شاعری" فیلمینده‌کی نادیر گؤرونتولرینی قیمتلی خزینه حساب ائتمک اولار.

قید ائدک کی، ویدئودا آذربایجان-تورک اجتماعی فیکرینین بؤیوک نماینده‌لریندن بیری، گؤرکملی خادیم علی بی حسین‌زاده ده یئر آلیب.