اؤز فداکارلیغی ایله ایران‌دا خالقین رغبتینی قازانمیش آذربایجانلی ازبرعلی هاجوی وفات ائدیب.

کولت. آذ خبر وئریر کی، ۵۵ ایل اؤنجه بیر پاییز گونونده گونئی آذربایجانین میانا بؤلگه‌سین‌ده اینسانلیغا نمونه اولان بیر حادثه باش وئریر.

داغلارین آراسی ایله حرکت ائد‌ن سرنیشین قطارینین ماشینیستی ایر‌لیده داغ اوچقونون اولماسیندان خبرسیز قطاری ایداره ائدیر. اوزرینده قایا پارچالاری اولان، دمیر یولو اراضیسینه سرعتله یاخینلاشان قاتارین، آشما تهلوکه‌سی یارانیر. اوچقونون باش وئردیی اراضیده قویون اوتاران چوبان بو منظره قارشیسیندا بیگانه قالا بیلمیر. اوزاقدان قطارین گلمه‌سینی گؤروب اونون قایالارا چیرپیلماغینی قاباقلاماق اوچون اؤنجه اؤز پنجیینی یاندیراراق باشی اوزرینه قالدیریر و قطارین گلدیی ایستیقامتده قطارا دوغرو قاچماغا باشلاییر. لاکین قطارین دایانمادیغینی گؤره‌ن چوبان اوو توفنگی ایله خبردارلیق اوچون آتش آچیر و سون آندا قطاری دایاندیرا بیلیر. دورومدان خبرسیز اولان سرنیشینلر، بو حرکتینه گؤره فداکار چوبانی تحقیر ائدیب دؤیورلر. سونوندا ایسه هر شئی آنلاشیلیر. هامی باشا دوشور کی، اونون فداکارلیغی اولماسایدی قطارین سرنیشینلری بؤیوک فاجعه ایله اوزلشه‌جکدی.

اصلا آذربایجانلی اولان چوبان ازبرعلی (ریزعلی) حاجوینین بو فداکارلیغی اوزون ایللر اورتا مکتب درسلیکلرین‌ده «دهقان فداکار» آدی ایله مکتبلیلره یئر آلسا دا، چوخ تأسف کی، سون ایللر درسلیکلردن ییغیشدیریلیب.

دکابر ۲-سی حیاتینی ایتیرن فداکارلیق سیموولو گونئی آذربایجانین میانه شهرینده بؤیوک ایزدیهاملا تورپاغا تاپشیریلیر.
الله رحمت ائلسین!!!