تورکییه‌نین اوسکار موکافاتینا نامیزد گؤستریله‌ن «آیلا» فیلمینین پرودوسری مصطفی اوسلو فیلمی ایزله‌مه‌دن قیمت وئردیکلری اوچون کمیته عضولرینی محکمه‌یه وئرمه‌یه حاضیرلاشیر.

کولت. آذ خبر وئریر کی، اوسکار کمیته‌سینین فیلمی آخیرا قدر ایزلمدیینی دئین پرؤدوسر آمریکانین مشهور حقوق مدافعه‌چیلریندن بیری ایله راضیلاشدیغینی دئییب.

«ساده‌جه تورکییه تاماشاچی‌سی یوخ، آمریکادا داخیل اولماقلا ۲۷ اؤلکه‌نین ایزلییجیسی «آیلا»نی چوخ بینیب. فستیواللاردا اوچ زالدا عینی آدلا تقدیم اولونان تک فیلم «آیلا«دیر. سیاسی بیر اویونا قوربان گئتدییمیزی دوشونورم. کمیته محاربه‌لرده آنا-آتالارینی ایتیرین اوشاقلارین درامینا لاقید قالمامالیدیر. «آیلا»یا دوزگون قیمت وئریلرسه، اوسکارین ان بؤیوک نامیزدلریندن بیری اولار».

قید ائدک کی، اؤتن ایلین اوکتیابر آییندا تاماشاچیلارا تقدیم اولونان تورکییه ایستحصالی «آیلا» فیلمی اوسکارا نامیزد کیمی تقدیم اولونسا دا، سیاهییا دوشه بیلمه‌ییب.