کولت. آذ سولئیمان روستمین "دوز-چؤریی ایتیرمه!" شعرینی تقدیم ائدیر:

اینسانین شرفی، بزیی منجه،
اینان، نه ایپکدیر، نه تیرمه، اوغلوم!
یاخشی‌دان یاخشی اول ائللر ایچین‌ده،
دوستونا بیر زیان یئتیرمه، اوغلوم!

یئرسیز گولومسه‌مه، یئرسیز آغلاما،
بیر کؤنول ده قیرما، سینه داغلاما.
سیررینی ائللردن گیزلی ساخلاما،
دیلینه یالان سؤز گتیرمه اوغلوم!

یئل قانادلی ایللر عؤموردن گئدیر،
اینسان زحمتیله کمالا یئتیر.
باغیندا نرگیزلر، لاله‌لر بیتیر،
تیکانلار، قانقاللار بیتیرمه، اوغلوم!

اورییم آرزویلا دولودور، دولو،
هنر میدانیدیر بو حیات یولو.
بیلمدیین ایشی گؤزویومولو،
سؤز وئریب عؤهده‌نه گؤتورمه، اوغلوم!

اوخو اؤیودومو سن سطر-سطر،
دیلیندن مجلیسه سپیلسین عطیر.
قازانجینی ایتیر، مالینی ایتیر،
آنجاق دوز-چؤریی ایتیرمه، اوغلوم!