کولت. آذ گونئی‌لی شاعر علی داشقنین شعیرینی تقدیم ائدیر:

آیاغیندا صوفو چایی
باشیندا اولدوزو، آیی
چوخ گؤزلدیر یازی، یایی
ماراغانین "مارال" داغی...

گؤزللرین اینام یئری
چوبانلارین آلین تری
دوشمنلرین دردیسری
ماراغانین "مارال" داغی...

صحنه ده باخار هر گئجه
آلچاقلاری آلماز وئجه
اؤز آدینی آلدی نئجه
ماراغانین "مارال" داغی...

اؤوحدیدن یادیگاردیر
یازدا یاشیل، قیشدا قاردیر
تاریخ یاشایینجا واردیر
ماراغانین "مارال" داغی...

ماراغانین گؤز ببه یی
نه یی یوخدور اونون نه یی؟
حئیران قویار خانی، به یی
ماراغانین "مارال" داغی...

تاریخی مین ایلی آشقین
گؤرنلرین عاغلی شاشقین
چایی آخار دولو، "داشقین"
ماراغانین "مارال" داغی...