کولت. آذ صمد وورغونون "سئویرم" شعرینی تقدیم ائدیر:
من ده بیر اینسانام، من ده جانلییام،
منیم ده قلبیمین آرزولاری وار!
دییرلر آرابیر دلیقانلییام.
چوخ دا دیینمه‌سین دالیمجا اغیار!
منیم ده قلبیمین آرزولاری وار!..

من سنی سئومدیم "او گؤزلر" دئیه،
گؤزوم‌دن اود کیمی یاشلار تؤکمدیم؛
من سنه وئرمدیم قیزیل هدییه،
چونکی یالوارمادیم و دیز چؤکمدیم؛
گؤزومدن اود کیمی یاشلار تؤکمدیم؛

سن خومار دئییل‌سه‌ن، من ده کی، سنان...
بوگونکو سئوگینین باشقادیر آندی.
نه مجنون، نه لئیلی، نه ده بیابان
قالمامیش، اونلارین آدی یاشاندی؛
بو گونکو سئوگینین باشقادیر آندی.

قوی بیزه گولمه‌سین نه دوست، نه ده یاد،
احتیاطلی دانیش، احتیاطلی دور!..
نه قدر من ساغام، گئت دولان آزاد!
آنجاق سئوگیلیم‌دن خواهیشیم بودور:
احتیاطلی دانیش، احتیاطلی دور!..

هایدی، اینسانلارا قایناییب – قاریش،
قالما بو دونیادا حیات‌دان ایراق!
ایسته‌سن عالمی گز قاریش - قاریش،
خاین آداملاری تئز گؤروب بوراق،
قالما بو دونیادا حیات‌دان ایراق!

حوسنونو اؤرتمه‌سین نه پرده، نه رنگ
آی کیمی صاف دولان، گون کیمی آچیق؛
کئچمیشین اوستونه قله‌م چکه‌رک
ووروش مئیدانین‌دا ووروشماغا چیخ،
آی کیمی صاف دولان، گون کیمی آچیق!

بو سون سؤزلریمی قولاغین‌دان آس!
دونیادا هر گونون بیر هؤک‌مو واردیر...
واختینی آلماسین نه توی، نه ده یاس.
گورلایان سسینله "ایر‌لی!" هایکیر؛
دونیادا هر گونون بیر هؤک‌مو واردیر.